Род Ваньковічаў

Ваньковічы — вялікалітоўскі шляхецкі род герба «Ліс».

Першае ўпамінанне пра род адносіцца да 1499. Безупынны радавод вядзецца з 16 ст., калі Ваньковічы мелі маёнткі ў Навагрудскім павеце і каля Вілейкі. Былі праваслаўнымі, з канца 17 ст. католікамі.

У 19-20 ст. валодалі вёскамі Калюжыца, Волма, Дзевялтова і інш. Займалі пасады ў мясцовай адміністрацыі ВКЛ, былі дэпутатамі сеймаў і Галоўнага Літоўскага Трыбуналу, выбіраліся ў органы дваранскага самакіравання Расійскай імперыі.

З роду Ваньковічаў паходзіць і вядомы мастак Валянцін Ваньковіч.

Літаратура

• Энцыклапедыя гісторыі Беларусі. У 6 т. Т. 2: Беліцк — Гімн / Беларус. Энцыкл.; Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн.: БелЭн, 1994. — 537 с., [8] к.: іл. ISBN 5-85700-142-0.