Варонежская вобласць

З пляцоўкі Вікіпедыя
Перайсці да: рух, знайсці

Воронежская область
Варонежская вобласць
герб
сцяг
RussiaVoronezh2007-07.png
Афіцыйная мова руская
Тып суб'екту федэрацыі Вобласць
Федеральная акруга Цэнтральная
Эканамічная акруга Цэнтральна-Чарназёмная
Сталіца Варонеж
Губернатар Уладзімір Кулакоў
Плошча
- Усяго
- % Вада
51 месца
52 200 км2
Насельніцтва
- Усяго (2006)
- Шчыльнасць
23 месца
2 313 600
44,3/км²
Аўтамабільны код 36
Часавы пояс UTC+3

Варонежская вобласць — суб'ект Расійскай Федэрацыя, які размешчаны на поўдні Цэнтральнай Расіі на мяжы з Украінай.

Прыродныя ўмовы і рэсурсы[правіць | правіць зыходнік]

Вобласць размешчана ў цэнтральнай паласе еўрапейскай часткі Расіі. Клімат на тэрыторыі вобласці — умерана-кантынентальны са сярэднегадавой тэмпературай ад +5,0 °C на поўначы вобласці да +6,5 °C на поўдні. На тэрыторыі вобласці размешчана 738 азёр і 2408 прудоў, працякае 1343 рэкі даўжынёй больш за 10 км. Галоўная рака — Дон, 530 з сваіх 1870 км яна працякае па тэрыторыі вобласці, утвараючы басейн пляцам 422 000 км².

Асноўным па значэнні рэсурсам вобласці з'яўляюцца звычайныя, а таксама магутныя і тучныя чарназёмы, якія займаюць асноўную частку тэрыторыі рэгіёна. Мінеральна-сыравінная база Варонежскай вобласці прадстаўлена радовішчамі неруднай сыравіны, у асноўным будаўнічымі матэрыяламі (пяскі, гліны, мел, граниты, цэментавая сыравіна, охра, вапняк, пясчанік) асабліва ў заходніх і паўднёвых раёнах рэгіёна. На тэрыторыі Сямілукскага, Хахольскага і Ніжнедзевіцкага раёнаў вобласці ёсць запасы фасфарытаў. Вобласць валодае практычна неабмежаванымі запасамі мелу.

Насельніцтва[правіць | правіць зыходнік]

Колькасць насельніцтва 2 313 600 чал. (2006), шчыльнасць 44,3 чал./кв. км. Нацыянальны склад: рускія (96,8 %), украінцы (3,2 %), армяне (0,4 %), беларусы (0,2 %) і іншыя. Асноўныя гарады: Варонеж, Барысаглебск, Россаш, Ліскі.

Прамысловасць[правіць | правіць зыходнік]

Па структуры гаспадаркі Варонежская вобласць індустрыяльна-аграрная. У складзе прамысловасці пераважаюць машынабудаванне, электраэнергетыка, хімічная індустрыя і галіны па перапрацоўцы сельскагаспадарчай сыравіны. На іх прыходзіцца 4/5 агульнага аб'ёму выпусканай прамысловай прадукцыі. Галіной спецыялізацыі рэгіёна з'яўляецца харчовая прамысловасць (27 %), другое месца займаюць машынабудаванне і металаапрацоўка (23 %), трэцяе месца — электраэнергетыка (18 %).

Прамысловасць вобласці спецыялізуецца на вытворчасці станкоў, экскаватараў, металічных маставых канструкцый, кавальска-прэсавага і горана-абагачальнага абсталявання, электроннай тэхнікі (у тым ліку тэлевізараў), пасажырскіх самалётаў-аэробусаў, сінтэтычнага каўчука і шын, вогнетрывалых вырабаў, цукра-пяску, маслабойна-тлушчавай і мясной прадукцыі. На базе выведанай мінеральнай сыравіны ў Варонежскай вобласці працуе шэраг горназдабываючых прадпрыемстваў, найбольш буйнымі з якіх з'яўляюцца ААТ «Паўлаўскграніт», ААТ «Варонежскае рудаўпраўленне», Сямілукскі Варонежскі камбінаты будматэрыялаў, ААТ «Падгоранскі цэментнік», ЗАТ «Капанішчанскі камбінат будматэрыялаў», Жураўскі охравы завод і іншыя. У вобласці ідзе засваенне мінеральных падземных вод.

Сельская гаспадарка[правіць | правіць зыходнік]

Варонежская вобласць — буйны пастаўшчык сельскагаспадарчай прадукцыі: яна вырабляе збожжа (у асноўным пшаніцу), цукровы бурак, падсолнух і іншыя тэхнічныя культуры, бульба і гародніна. У цэлым профіль сельскай гаспадаркі — бураковы з пасевамі падсолнуха і зерневых культур, малочна-мясной жывёлагадоўляй, свінагадоўляй і авечкагадоўляй. Сярэднедушавы каэфіцыент па вытворчасці круп — 2,4 (дадзеныя 2002 г.), цукра-пяску 4,2.

Сімволіка[правіць | правіць зыходнік]

Вядомыя асобы[правіць | правіць зыходнік]

Літаратура[правіць | правіць зыходнік]

  • Беларуская энцыклапедыя: У 18 т. Т.4: Варанецкі — Гальфстрым / Рэдкал.: Г. П. Пашкоў і інш. — Мн.: БелЭн, 1997. — Т. 4. — 480 с. — 10 000 экз. — ISBN 985-11-0090-0

Спасылкі[правіць | правіць зыходнік]

Commons