Васіль Васільевіч Лявонцьеў

З пляцоўкі Вікіпедыя
(Пасля перасылкі з Васіль Лявонцьеў)
Перайсці да: рух, знайсці

Васіль Васільевіч Лявонцьеў (5 жніўня 1905, Мюнхен — 5 лютага 1999, Нью-Ёрк) — амерыканскі эканаміст расійскага паходжання, стваральнік тэорыі міжгаліновага аналізу, лаўрэат Нобелеўскай прэміі па эканоміцы (1973) «за развіццё метаду „выдаткі-выпуск“ і за яго прымяненне да важных эканамічных праблем».

Біяграфічныя звесткі[правіць | правіць зыходнік]

Скончыў Ленінградскі ўніверсітэт (1925). 3 1931 прафесар эканомікі Гарвардскага, з 1975 — Нью-Ёркскага ўніверсітэтаў.

Член Нацыянальнай Амерыканскай акадэміі навук і мастацтваў, Брытанскай акадэміі. Замежны член Расійскай АН.

Даследаванні[правіць | правіць зыходнік]

В. Лявонцьеў распрацаваў метад эканоміка-матэматычнага аналізу «затраты-выпуск» для вывучэння міжгаліновых сувязей, структуры эканомікі і складання міжгаліновага балансу («Даследаванне структуры амерыканскай эканомікі», 1953); выкарыстоўваецца больш як у 50 краінах для прагназавання і праграмавання эканомікі. Значны ўклад зрабіў у прагноз развіцця сусветнай эканомікі («Будучае сусветнай эканомікі», 1977).

У гонар В. Лявонцьева названы шэраг эканамічных з'яў — напрыклад, мадэль Лявонцьева і парадокс Лявонцьева.

Літаратура[правіць | правіць зыходнік]

  • Лявонцьеў // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн.: БелЭн., 1999. — 560 с.: іл. ISBN 985-11-0155-9 (т. 9), ISBN 985-11-0035-8.