Возера Ісык-Куль

Ісык-Куль кырг.: Ысык-Көл
Каардынаты 42.433333, 77.18333342°26′00″ пн. ш. 77°11′00″ у. д.42.433333° пн. ш. 77.183333° у. д.
Краіны	Кыргызстан
Плошча	6236 км²
Аб'ём	1738 км³
Найбольшая глыбіня	702 м
Вадазбор	15,844 км²
Ісык-Куль
У ВiкiСховішчы ёсць выявы з тэмай: Ісык-Куль

Ісык-Куль (кірг. Ысык-Көл, Гарачае возера) — бяссцёкавае возера ў Кыргызстане, у Паўночным Цянь-Шані, у межах Ісык-Кульскай катлавіны, на вышыні 1608 м.

Плошча 6236 км² (па іншых даных 6330 км²). Даўжыня 178 км, шырыня да 60 км, глыбіня да 668 м. Плошчы вадазбору 21,9 тыс. км². Упадае больш за 50 рэк; найбольшыя з іх Джэргалан і Цюп.

Берагі расчлянёны слаба, глыбокія залівы толькі на ўсходзе і паўднёвым усходзе. Зімой не замярзае. Тэмпература вады на паверхні летам да 20, зімою каля 2,7 °C. Вада саленаватая (каля 6 ‰).

Вядзецца рыбалоўства (голы асман, чэбак, сазан, марынка, стронга). Ажыццяўляецца суднаходства, асноўныя парты: Рыбачае і Прыстань-Пржавальск. На Iсык-Кулі размешчаны курорты Чалпон-Ата і Тамга. Возера знаходзіцца ў складзе Ісык-Кульскага запаведніка. На беразе — магіла М. Пржавальскага. Развіваецца турызм.

Літаратура

• БелЭн у 18 т. Т. 7. — Мн., 1998.