Задрач
Задрач | |
---|---|
Морфаметрыя | |
Вышыня над узроўнем мора | 155,2 м |
Даўжыня | 1,97 км |
Шырыня | 0,57 км |
Плошча | 0,77 км² |
Аб’ём | 0,00307 км³ |
Даўжыня берагавой лініі | 4,7 км |
Найбольшая глыбіня | 6,4 м |
Сярэдняя глыбіня | 4 м |
Гідралогія | |
Салёнасць | 0,1—0,12 ‰ |
Празрыстасць | 1,5 м |
Басейн | |
Упадаюць | рака Ловаць, ручаі |
Выцякаюць | рака Ловаць |
Размяшчэнне | |
Краіна | Беларусь |
Рэгіён | Віцебская вобласць |
|
|
|
|
|
|
Задра́чанскае, 3адра́ч — возера ў Гарадоцкім раёне Віцебскай вобласці ў басейне ракі Ловаць (працякае праз возера), за 40 км на паўночны ўсход ад горада Гарадок, каля вёскі Задрачча.
Плошча паверхні возера складае 0,77 км². Даўжыня 1,97 км, найбольшая шырыня 0,57 км. Даўжыня берагавой лініі 4,7 км. Найбольшая глыбіня 6,4 м, сярэдняя 4 м. Аб’ём вады 3,07 млн. м³. Плошча вадазбору 36,6 км².
Вадазбор сярэднеўзгорысты і спадзістахвалісты, з пяскоў і суглінкаў. Катлавіна возера выцягнутая ў напрамку з паўночнага захаду на паўднёвы усход, лагчыннага тыпу. Схілы катлавіны спадзістыя, вышынёй 5—7 м (на ўсходзе і паўночным усходзе да 30 м, стромкія), на поўдні і паўднёвым захадзе пад лесам. Берагавая лінія слабазвілістая. Берагі нізкія, пясчаныя, месцамі тарфяністыя. Пойма шырынёй 5—70 м. Літараль вузкая і стромкая. Дно ўздоўж берагоў пясчанае, глыбей — глеістае.
Возера эўтрофнае, праточнае. Зарастае слаба. Шырыня палосы расліннасці да 25 м, пашырана да глыбіні 2,2 м. У Задрач упадаюць ручаі. Праз возера працякае рака Ловаць.
У возеры водзяцца лешч, шчупак, плотка, акунь і іншыя рыбы.
Літаратура[правіць | правіць зыходнік]
- Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6).
- Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
- Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 15. — 72 с. — 10 000 экз. — ISBN 978-985-508-136-5. (руск.)