Возера М'ёса
| Возера М'ёса нарв. Mjøsa |
|
 |
|
| Каардынаты | |
| Краіны | Нарвегія |
| Плошча | 365,19 км² |
| Вышыня | 123 м |
| Глыбіня | 195—468 м |
  Возера М'ёса
|
|
М’ёса (састарэлая назва М’езен) — найбуйнейшае возера ў Нарвегіі. Знаходзіцца ў паўднёвай частцы Нарвегіі, прыкладна ў 100 км на поўнач ад Осла. Асноўная рака, якая ўпадае ў возера — Гудбрансдалслоген на поўначы; галоўная рака, што выцякае — Ворма (прыток Гломы) на поўдні.
М’ёса ляжыць 123 м над узроўнем мора, глыбіня 195—468 м; берага разнастайныя і маляўнічыя. З самага паўднёвага мыса Мінесун у Эйдсволе да самай паўночнай кропкі ў Лілехамеры даўжыня возера складае 117 км. У самым шырокім месцы, каля Хамара, шырыня роўная 15 км. Плошча возера 365 км ², а аб’ём ацэньваецца ў 56 км ³. Агульная даўжыня берагавой лініі — 273 км. Плаціны на выцякаючых рацэ Ворма, пабудаваныя ў 1858, 1911, 1947, і 1965 паднялі ўзровень вады ў агульнай складанасці прыкладна на 3,6 метра. За апошнія 200 гадоў было зарэгістравана 20 паводак, якія паднялі ўзровень М’ёсы на 7 метраў. Некалькі з гэтых паводак затапілі горад Хамар.
