Возера Мар-Чыкіта

Мар-Чыкіта
ісп.: Mar Chiquita
Каардынаты: -30.628056, -62.55888930°37′41″ пд. ш. 62°33′32″ з. д.30.628056° пд. ш. 62.558889° з. д.
Размяшчэнне	Пампасы, Кордава, Аргенціна
Краіна	Аргенціна
Плошча	ад 2000 да 4500 км²
Найбольшая глыбіня	19 м
Сярэдняя глыбіня	3-4 м
Салёнасць	175 ‰
Упадаюць	Рыа-Дульсэ, Рыа-Саладзілья
Мар-Чыкіта

-30.628056, -62.558889

Мар-Чыкіта (ісп.: Mar Chiquita - «маленькае мора») — буйное бяссцёкавае салёнае возера, размешчанае ў паўночна-заходняй частцы Пампы аргенцінскай правінцыі Кордава. З'яўляецца найбуйнейшым натуральным салёным возерам у Аргенціне.

Возера займае паўднёвую частку западзіны памерам 80 (поўнач-поўдзень) на 45 (захад-ўсход) км. Паколькі глыбіня возера невялікая (каля 10 м), яго плошча моцна вагаецца ад 2 да 4,5 тыс. км², што адпавядае вышыні над узроўнем мора 66-69 м.

У асноўным Мар-Чыкіта сілкуецца салёнымі водамі ракі Рыа-Дульсэ, якая цячэ з правінцыі Сант'яга-дэль-Эстэра, зліваючыся на поўначы з Рыа-Саладыльё. Тэрыторыя ў ніжнім працягу Рыа-Дульсэ і Мар-Чыкіты забалочаная і населена шматлікімі відамі жывёл, асабліва вадаплаўнымі птушкамі. З паўднёва-заходняга боку возера нерэгулярна падсілкоўваецца рэкамі Рыа-Прымера і Рыа-Сегунда, якія сцякаюць з гор Сьерас-дэ-Кордава, а таксама некалькімі ручаямі. Салёнасць возера Мар-Чыкіта моцна вагаецца - ад 250 г / л падчас нізкай вады да 40 г / л у вільготныя гады (напрыклад, у 1980-е).

Спасылкі

• Гідраграфія правінцыі Кордава (ісп.) 
• Урад правінцыі Кордава — аддзел вод і санітарыі (ісп.)