Сіта
Сіта | |
---|---|
Морфаметрыя | |
Вышыня над узроўнем мора | 152,4 м |
Даўжыня | 3,8 км |
Шырыня | 0,79 км |
Плошча | 1,88 км² |
Аб’ём | 14,4 км³ |
Даўжыня берагавой лініі | 9,8 км |
Найбольшая глыбіня | 28,5 м |
Сярэдняя глыбіня | 7,6 м |
Гідралогія | |
Салёнасць | 0,16—0,18 ‰ |
Празрыстасць | 5,2 м |
Басейн | |
Плошча вадазбору | 9,45 км² |
Размяшчэнне | |
Краіна | Беларусь |
Рэгіён | Віцебская вобласць |
|
|
|
|
|
|
Сі́та[1] — возера ў Беларусі, у Браслаўскім раёне Віцебскай вобласці. Знаходзіцца за 16 км захад ад горада Браслаў каля вёскі Крываселі, на мяжы з Латвіяй. Возера знаходзіцца ў басейне ракі Друйка. Належыць да групы Рычана-Дрысвяцкіх азёр.
Плошча паверхні Сіта складае 1,88 км². Найбольшая глыбіня возера 28,5 м, сярэдняя 7,6 м. Даўжыня возера 3,8 км, найбольшая шырыня 0,79 км. Даўжыня берагавой лініі 9,8 км. Аб’ём вады ў возеры складае 14,4 млн м³, плошча вадазбору 9,45 км².
Катлавіна возера лагчыннага тыпу, выцягнутая ў напрамку з поўначы на поўдзень. Схілы катлавіны маюць вышыню 10—12 м, на поўдні і захадзе вышыня схілаў складае 5—6 м. Схілы катлавіны спадзістыя, парослыя лесам і хмызняком, участкамі знаходзяцца пад лугам. Берагі возера пад хмызняком, на поўдні — забалочаныя. Пойма мае шырыню шырынёй 4—12 м. На возеры востраў плошчай 0,023 км². Дно выслана пяском на глыбіні 7—9 м, глыбей — сапрапелем.
Возера мезатрофнае з прыкметамі алігатрофіі, слабапраточнае. Упадаюць ручаі і выцякае ручай у возера Велікянцы. Шырыня палосы прыбярэжнай расліннасці складае 6—10 м, у паўночным і паўднёвым залівах шырыня паласы расліннасці павялічваецца да 40—50 м. Падводная расліннасць пашыраная да глыбіні 6—6,5 м.
У возеры водзяцца шчупак, лешч, судак, акунь, лінь, плотка, краснапёрка, гусцяра і іншыя віды рыб. У возеры жыве рэлікт ледавіковага перыяду — рачок лімнакалянус.
Зноскі
Літаратура[правіць | правіць зыходнік]
- Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
- Мыслівец І. А. Сіта // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.
- Сіта // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 423. — 10 000 экз. — ISBN 985-11-0035-8. — ISBN 985-11-0238-5 (т. 14).
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 9, 16. — 72 с. — 10 000 экз. — ISBN 978-985-508-136-5. (руск.)