Туравейскае

Туравейскае
Туравейскае возера
Морфаметрыя
Вышыня над узроўнем мора	131,6 м
Даўжыня	1,57 км
Шырыня	0,39 км
Плошча	0,38 км²
Аб’ём	1,04 км³
Даўжыня берагавой лініі	3,87 км
Найбольшая глыбіня	4,7 м
Гідралогія
Празрыстасць	1,2 м
Басейн
Плошча вадазбору	131 км²
Размяшчэнне
Краіна	Беларусь
Туравейскае
Туравейскае
Медыяфайлы на Вікісховішчы

Туравейскае (Тураве) — возера ў Астравецкім раёне Гродзенскай вобласці. Знаходзіцца за 37 км на паўночны ўсход ад горада Астравец, каля вёскі Малое Туроўе. Належыць да Сарачанскай групы азёр.

Возера знаходзіцца ў басейне ракі Сарачанка. Плошча возера Туравейскае складае 0,38 км². Найбольшая глыбіня — 4,7 м. Даўжыня возера — 1,57 км, найбольшая шырыня — 0,39 км. Аб'ём вады ў возеры 1,04 млн. м³. Даўжыня берагавой лініі возера складае 3,87 км, плошча вадазбору — 131 км². Велічыня празрыстасці вады ў возеры 1,2 м.

Схілы катлавіны маюць вышыню 3—5 м, на захадзе вышыня схілаў дасягае 11 м. Схілы парослыя лесам. Берагі возера нізкія, пясчаныя. На паўночным усходзе і захадзе берагі забалочаныя, на ўсходзе і паўднёвым усходзе знаходзяцца пад лесам.

Мелкаводная зона да глыбіні 0,5—1 м пясчаная, на большых глыбінях дно выслана сапрапелем.

Возера зарастае прыбярэжнай надводнай расліннасцю да глыбіні 2—2,5 м.

Праз вадаём працякае рака Клевель, якая на паўночным захадзе злучае яго з возерам Белае, а на паўднёвым усходзе — з возерам Залаўскае.

Водзяцца: шчупак, акунь рачны, верхаводка, гусцяра, мянтуз звычайны, лешч, лінь, плотка, язь, краснапёрка, ёрш звычайны, уюн, карась залаты, карась сярэбраны.

Літаратура

• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
• Атлас охотника и рыболова: Гродненская область — Мн.: РУП "Белкартография", 2010.