Возера Хубсугул

Хубсугул — буйное прэснаводнае возера на поўначы Манголіі, побач з мяжой Расіі, самае глыбокае возера ў Манголіі. Аб'ём вады ў возеры — 381 км ³. У возера ўпадаюць 96 рэк і ручаёў. З Хубсугула выцякае р. Эгійн-Гол (басейн Селенгі). Замярзае са снежня па май. Суднаходная, складовая частка транспартнага шляху з Расіі (Іркуцкая вобласць) у Манголію. Прыстані Хатгал (на поўдні) і Ханх (на поўначы). У раёне Хубсугула адкрыты паклады фасфарытаў.