Сал

З Вікіпедыі, свабоднай энцыклапедыі
(Пасля перасылкі з Востраў Сал)
Сал
парт. Sal
Пустынны пейзаж вакол Монтэ-Грандэ
Пустынны пейзаж вакол Монтэ-Грандэ
Характарыстыкі
Плошча216 км²
Насельніцтва25 657 чал.
Шчыльнасць насельніцтва118,78 чал./км²
Размяшчэнне
16°44′14″ пн. ш. 22°56′10″ з. д.HGЯO
АкваторыяАтлантычны акіян
Краіна
Сал (Каба-Вэрдэ)
Сал
Сал
Map
Лагатып Вікісховішча Медыяфайлы на Вікісховішчы

Сал (парт.: Sal «соль») — востраў у краіне Каба-Вердэ, уваходзіць у паўночную групу астравоў Барлавенту. Агульная плошча 216 км². Насельніцтва — 25657 чал. (2010 г.). Найвышэйшы пункт — гара Монтэ-Вермелью (406 м).

Прырода[правіць | правіць зыходнік]

Востраў Сал сфарміраваўся каля 50 млн гадоў таму ў выніку вывяржэння старажытнага вулкана, які зараз не актыўны. Ён цягнецца ў даўжыню на 30 км, у шырыню — на 12 км.

Сал лічыцца самым плоскім з усіх астравоў Каба-Вердэ. У адрозненне ад апошніх, на ім няма сапраўдных гор. Два ланцугі ўзгоркаў на поўначы вострава Монтэ-Грандэ (менавіта ў яго склад уваходзіць найвышэйшая гара Монтэ-Вермелью) і Сера-Негра дасягаюць адпаведна 406 м і 92 м над узроўнем мора. Пагоркі не затрымліваюць вільготныя хмары, якія нясе паўночна-заходні вецер, і мясцовы клімат даволі засушлівы. Колькасць сонечных дзён — 350.

Галоўны карысны выкапень — соль. Большасць крыніц вады таксама засолена.

Гісторыя[правіць | правіць зыходнік]

Некаторыя даследчыкі лічаць, што востраў Сал быў вядомы сярэднявечным арабскім і заходнеафрыканскім маракам, якія тут здабывалі соль. Аднак археалагічных доказаў гэтаму пакуль няма.

Востраў быў адкрыты 3 снежня 1460 г. партугальскай экспедыцыяй і першапачаткова названы Лана (Llana).

Да пачатку XIX ст. Сал амаль не меў сталага насельніцтва і выкарыстоўваўся для выпасу свойскай жывёлы жыхарамі суседняга вострава Боавішта. У 1833 г. была арганізавана здабыча солі. Насельніцтва Сала хутка расло, асабліва ў засушлівыя гады, калі тут шукалі працу сяляне.

У 1939 г. на сродкі ўрада Італіі быў пабудаваны міжнародны аэрапорт Амілкар Кабрал, які паступова ператварыўся ў галоўнае прадпрыемства вострава.

Эканоміка[правіць | правіць зыходнік]

Галоўную ролю ў эканамічным жыцці вострава адыгрывае абслугоўванне міжнароднага транзітнага аэрапорта Амілкар Кабрал. Вядзецца здабыча паваранай солі. Сельская гаспадарка і лоўля рыбы маюць другараднае значэнне. Улады імкнуцца развіваць турызм, для чаго ў лютым праводзіцца штогадовы карнавал.

Населеныя пункты[правіць | правіць зыходнік]

Галоўны адміністрацыйны цэнтр — горад Санта-Марыя (22937 чал. у 2010 г.). Іншыя паселішчы: Палмейра, Педра-Луме, Мурдэйра і г. д.

Галерэя[правіць | правіць зыходнік]

Спасылкі[правіць | правіць зыходнік]