Востраў Ангаур

З пляцоўкі Вікіпедыя
Перайсці да: рух, знайсці
Ангаур
Angaur, Ngeaur
Angaur map.jpg
Каардынаты: Каардынаты: 6°54′18″ пн. ш. 134°08′15″ у. д. / 6.905° пн. ш. 134.1375° у. д. (G) (O) (Я)6°54′18″ пн. ш. 134°08′15″ у. д. / 6.905° пн. ш. 134.1375° у. д. (G) (O) (Я)
Архіпелаг Каралінскія астравы
Акваторыя Ціхі акіян
Краіна Flag of Palau.svg Палау
Ангаур (Палау)
Ангаур
Ангаур
Плошча 8,4 км²
Найвышэйшы пункт 61 м
Насельніцтва (2005) 320 чал.
Шчыльнасць насельніцтва 38,095 чал./км²
Амерыканскія ваенныя на востраве
Commons-logo.svgАнгаур на Вікісховішчы 


Ангау́р (англ.: Angaur, Ngeaur) — востраў Каралінскага архіпелага у складзе Палау. Мае статус асобнага штата гэтай краіны. Плошча - 8,4 км². Насельніцтва (2005 г.) - 320 чал.

Геаграфія і прырода[правіць | правіць зыходнік]

Востраў Ангаур знаходзіцца на поўдні групы астравоў Палау Каралінскага архіпелага ў 84 км на паўднёвы захад ад Нгерулмуда. Даўжыня - 4,32 км. Найбольшая шырыня - 3,4 км. Уяўляе сабою падняты каралавы востраў, які месціцца на вяршыні старажытнага падводнага вулканічнага хрыбта. Паверхня даволі плоская. Найвышэйшы пункт - 61 м. Пад тонкім пластом глебы знаходзіцца кіпрая вапняковая паверхня, якая выдатна ўсмоктвае вільгаць. Таму, нягледзячы на значныя сезонныя ападкі, сталых паверхневых вадацёкаў на Ангауры няма.

Значная частка вострава пакрыта лесам і хмызнякамі. На Ангауры спыняюцца пералётныя птушкі, таксама вылучаюцца мясцовыя эндэмічныя віды. На востраве жыве некалькі марскіх кракадзілаў.

Гісторыя[правіць | правіць зыходнік]

Герб штата Ангаур

У старажытнасці Ангаур быў населены мікранезіцамі, продкамі сучасных палаўанцаў. У XVIII ст. па невядомых прычынах большая частка жыхароў пакінула востраў і перасялілася на Бабелдааб, дзе ў нашы дні захаваліся вёскі, заснаваныя імі.

У 1885 - 1899 гг. Ангаур знаходзіўся пад кантролем Іспаніі, у 1899 - 1914 гг. — Германіі, у 1914 - 1944 гг. — Японіі. У 1909 г. нямецкія прадпрымальнікі наладзілі тут здабычу фасфатаў. Яна працягвалася і ў перыяд японскага кантролю над востравам. У якасці рабочых прыцягваліся выхадцы з розных кутоў Мікранезіі, Акінавы і Карэі. Многія сучасныя ангаурцы фактычна з'яўляюцца мікранезійска-азіяцкімі метысамі. Яны размаўляюць на мясцовым дыялекце палаўанскай мовы з багатым лексічным запазычаннем з японскай.

Падчас II Сусветнай вайны, 17 верасня 1944 г. на Ангаур высадзіліся амерыканскія войскі. Да 20 верасня 1944 г. яны цалкам захапілі японскія пазіцыі. У 1947 г. востраў трапіў у склад тэрыторый Мікранезіі, што былі перададзены ААН пад апеку ЗША. З 1994 г. — у складзе незалежнай Рэспублікі Палау.

Кіраванне[правіць | правіць зыходнік]

Востраў Ангаур складае асобны штат у складзе Рэспублікі Палау. Ён мае сваю Канстытуцыю, выбранага губернатара і выбраны заканадаўчы сход. Адміністрацыя штата фактычна знахлдзіцца ў Корары.

Спасылкі[правіць | правіць зыходнік]