Востраў Вест-Айленд, Какосавыя астравы

З пляцоўкі Вікіпедыя
Перайсці да: рух, знайсці
Вест-Айленд
West Island, Pulau Panjang
Keeling be.png
Каардынаты: Каардынаты: 12°11′13″ пд. ш. 96°49′42″ у. д. / 12.186944° пд. ш. 96.828333° у. д. (G) (O) (Я)12°11′13″ пд. ш. 96°49′42″ у. д. / 12.186944° пд. ш. 96.828333° у. д. (G) (O) (Я)
Архіпелаг Какосавыя астравы
Акваторыя Індыйскі акіян
Краіна Flag of the Cocos (Keeling) Islands.svg Какосавыя астравы
Вест-Айленд (Індыйскі акіян)
Вест-Айленд
Вест-Айленд
Плошча 6,23 км²
Насельніцтва (2010) 96 чал.
Шчыльнасць насельніцтва 15,409 чал./км²
Аэрапорт


Ве́ст-А́йленд (англ.: West Island, малайск.: Pulau Panjang) — найбуйнейшы востраў Какосавых астравоў. На востраве дзейнічае адміністрацыйны цэнтр астравоў. Плошча - 6,23 км². Насельніцтва (2010 г.) - 96 чал.

Геаграфія[правіць | правіць зыходнік]

Востраў Вест-Айленд размешчаны ў паўднёва-заходняй частцы Паўднёвага атола Какосавых астравоў, аддзелены ад найбольш населенага вострава Хоўма шырокай лагунай (8,2 км). Знаходзіцца ў 2942 км на паўночны захад ад Перта, у 3693 км на захад ад Дарвіна, у 5831 км на паўночны захад ад Канберы, у 1824 км на паўднёвы захад ад Джакарты.

Мае каралавае паходжанне. Сфарміраваўся 100 - 3 тысячы гадоў таму як частка атола, што знаходзіцца на вяршыні старажытнага падводнага вулкана. Складзены пераважна вапнякамі. Паверхня плоская. Берагі камяністыя. Даўжыня - 11,5 км, найбольшая шырыня - 848,5 м. На поўначы і поўдні вострава захаваліся рэшткі какосавых плантацый, першродных хмызнякоў і гаёў.

Клімат трапічны пасатны. Сярэднегадавая тэмпература +26,8° C. Сярэднегадавая колькасць ападкаў - 1988 мм.

Гісторыя[правіць | правіць зыходнік]

Быў адкрыты разам з іншымі Какосавымі астравамі ў 1609 г. У 1836 г. даследаваўся Чарльзам Дарвіным, які выкарыстаў свае назіранні на Вест-Айлендзе для стварэння тэорыі фарміравання атолаў. З сярэдзіны XIX ст. выкарыстоўваўся жыхарамі суседняга вострава Хоўм для арганізацыі плантацый цукровага трыснёга і какосавай пальмы. У гады II Сусветнай вайны на востраве быў пабудаваны ваенны аэрадром для бамбавання японскіх пазіцый у Інданезіі. Тут размяшчаўся невялікі ваенны гарнізон, у якім служылі пераважна салдаты з Цэйлона.

У 1857 г. востраў Вест-Айленд быў далучаны да каланіяльных валоданняў Вялікабрытаніі. У 1955 г. была створана тэрыторыя Какосавыя астравы, залежная ад Аўстраліі. У 1970-ыя гг. ваенны аэрадром быў перабудаваны ў буйны грамадзянскі аэрапорт. У 1977 г. на Вест-Айлендзе быў адчынены офіс адміністрацыі Какосавых астравоў.

Інфраструктура[правіць | правіць зыходнік]

Вест-Айленд — адзін з 2 населеных Какосавых астравоў. Звязаны з другім населеным востравам Хоўм сталай паромнай пераправай. На востраве знаходзіцца міжнародны аэрапорт, які абслугоўвае лініі паміж Аўстраліяй і Паўднёвай Афрыкай. Тут таксама размешчаны галоўны офіс адміністрацыі Какосавых астравоў і аўстралійскі ваенны радыялакацыйны аб'ект.

Спасылкі[правіць | правіць зыходнік]