Востраў Матуа

Матуа Матуа
Каардынаты: 48.083333, 153.21666748°05′00″ пн. ш. 153°13′00″ у. д.48.083333° пн. ш. 153.216667° у. д.
Акваторыя	Ціхі акіян
Краіна	Расія
Матуа
Плошча	52 км²
Насельніцтва	0 чал.
Матуа на Вікісховішчы

Выгляд з мора

Востраў Ма́туа (рус. Матуа) - востраў у Вялікай градзе Курыльскіх астравоў. Адміністрацыйна ўваходзіць у склад Сахалінскай вобласці Расіі. Плошча - 52 км².

Прырода і геаграфія

Востраў мае вулканічнае паходжанне. Выцягнуты ў форме авалу з паўночнага захада на паўднёвы ўсход. Даўжыня - каля 11 км. Шырыня - 6,4 км. Значную частку вострава займае актыўны вулкан Сарычава (1497 м.). Значных наземных вадатокаў няма. Адзіная рака з пітной вадою на паўднёвым усходзе вострава. Берагі часткова пяшчаныя. Дзве зручныя для марскіх суднаў бухты.

Раслінны свет не багаты. Сустракаюцца зараснікі алешыны. Жывёльны свет прадстаўлены ластаногімі і птушкамі. Наземныя звяры - лісы і шматлікія грызуны.

Каля Матуа знаходзіцца востраў Тапарковы.

Гісторыя

Першымі насельнікамі вострава былі айны, якія і далі яму назву Матуа ("малыя вогненныя залівы").

У 1875 г. далучаны да Японіі. Да пач. XX ст. карэнных жыхароў перасялілі на востраў Шыкатан. Матуа выкарыстоўваўся японскімі рыбаловамі. У 1930 - 1945 гг. на ім знаходзілася буйная ваенная база.

З 1945 г. ў складзе СССР як частка Расійскай федэрацыі. У савецкі час дзейнічала памежная застава. З 1998 г. востраў ненаселены. Захаваліся шматлікія рэшткі знаходжання японскіх і савецкіх ваенных, у тым ліку падземныя будынкі. Рэшткі савецкіх пасёлкаў Губанава і Сарычава.

Адным з найбольш актыўных сучасных даследчыкаў прыроды і гісторыі вострава з'яўляецца выхадзец з Беларусі Яўген Верашчага.

Спасылкі

• Змястоўная інфармацыя з картай ад Яўгена Верашчагі
• Агульнаыя інфармацыя
• Пра востраў Матуа
• Таямніцы Матуа