Востраў Нануманга

З пляцоўкі Вікіпедыя.
Перайсці да: рух, знайсці
Нануманга
Nanumanga
Каардынаты: Каардынаты: 6°20′00″ пд. ш. 176°25′00″ у. д. / 6.333333° пд. ш. 176.416667° у. д. (G) (O) (Я)6°20′00″ пд. ш. 176°25′00″ у. д. / 6.333333° пд. ш. 176.416667° у. д. (G) (O) (Я)
Акваторыя Ціхі акіян
Краіна Flag of Tuvalu.svg Тувалу
Нануманга (Тувалу)
Нануманга
Нануманга
Плошча 3 км²
Насельніцтва 589 чал.
Шчыльнасць насельніцтва 196,333 чал./км²
Выгляд з космасу
Commons-logo.svgНануманга на Вікісховішчы 


Востраў Нануманга (на мове тувалу Nanumanga) - востраў у складзе астравоў Тувалу на поўдні Ціхага акіяна. Належыць да дзяржавы Тувалу. Агульная плошча - 3 км². Насельніцтва - 589 чал. (2002 г.).

Гісторыя[правіць | правіць зыходнік]

Еўрапейскімі першаадкрывальнікамі вострава Нануманга відавочна былі іспанцы (кан. XVIII ст.). Але афіцыйна адкрыццё было зафіксавана французскай урадавай экспедыцыяй толькі 9 мая 1824 г. Мясцовыя тубыльцы лічылі сябе нашчадкамі танганцаў, якія засялілі востраў у сяр. II тыс. н. э.

У 1986 г. два навазеландскія вадалазы даследавалі падводную пячору на глыбіні каля 40 м і знайшлі там сляды вогнішча - прыкмету таго, што пячора некалі была населена. Пазней высновы вадалазаў былі пацверджаны прафесійнымі археолагамі. Цікава, што на думку спецыялістаў пячора была затоплена акіянам пасля заканчэння ледавіковага перыяду не пазней за 6 - 4 тыс. да н. э. Аднак па ранейшаму меркаванню вучоных першыя людзі з'явіліся ў Палінезіі паміж 1400 і 900 гг. да н. э. Такім чынам, размова можа ісці пра невядомых старажытных насельнікаў.

Прырода[правіць | правіць зыходнік]

Востраў мае каралавае паходжанне і фактычна з'яўляецца закрытым атолам. Старажытная лагуна зараз падзяляецца на тры вадаёмы. У цэнтры найбуйнейшага вадаёма Ваіатоа месцяцца 4 малыя выспы. Частка ўзбярэжжа пакрыта манграмі. Сталых вадацёкаў няма.

Клімат трапічны пасатны. Нануманга знаходзіцца ў зоне ўздзеяння трапічных цыклонаў.

Інфраструктура[правіць | правіць зыходнік]

Насельніцтва (589 чал. у 2002 г.) жыве ў дзвюх вёсках Тонга і Такелау. Адміністрацыйным цэнтрам лічыцца Тонга. Галоўны занятак насельніцтва - вырошчванне какосавай пальмы. Працуе 1 пачатковая школа Латахоні. З-за рыфаў, якія атачаюць востраў, прамысловы лоў рыбы і падыход марскога транспарту да берага ўскладнены.

Спасылкі[правіць | правіць зыходнік]