Востраў Прынсіпі

З пляцоўкі Вікіпедыя.
Перайсці да: рух, знайсці
Golf von Guinea.jpg

Пры́нсіпі — востраў у Гвінейскім заліве Атлантычнага акіяна. Другі па велічыні востраў, які ўваходзіць у склад дзяржавы Сан-Тамэ і Прынсіпі. Плошча 128 км². Разам з прылеглымі астраўкамі (Бамбом, Карозу, Тыньёза-Грандэ, Тыньёза-Пекена) складае правінцыю Прынсіпі, а таксама акругу Пагуі. Знаходзіцца на адлегласці 160 км ад вострава Сан-Тамэ. Памеры 6 на 16 км

Востраў вулканічнага паходжання. Вышэйшы пункт пік Прынсіпі (948 м). Горы размешчаны ў паўднёвай частцы вострава. У паўночнай і цэнтральнай частках размяшчаліся плантацыі, на месцы якіх у наш час аднаўляюць трапічныя лясы. На востраве створаны нацыянальны парк Або.

Клімат экватарыяльны, увесь час вільготны. Буйныя рэкі — Агульяш, Банзу і Папагаю.

Насельніцтва каля 6 тысяч чалавек. Мова галоўным чынам партугальская, таксама распаўсюджаны мясцовыя дыялекты з групы партугальска-крэольскіх моў. Адміністрацыйны цэнтр правінцыі і акруга — Санту-Антоніу (адзіны горад на востраве). Маецца аэрапорт у 3 км на поўнач ад Санта-Антоніу. Гэта адзіны аэрапорт на Прынсіпі, і адзін з трох аэрапортаў, якія абслугоўваюць Сан-Тамэ і Прынсіпі. Авіярэйсы злучаюць астравы з галоўным востравам краіны Сан-Тамэ.

Востраў адкрыты партугальскімі мараплаўцамі паміж 1469 і 1472 гадамі. Заселены ў 1500 годзе.

Каардынаты: 1°37′00″ пн. ш. 7°24′00″ у. д. / 1.616667° пн. ш. 7.4° у. д. (G) (O) (Я)

Спасылкі[правіць | правіць зыходнік]

Шаблон:Нарыхтоўка