Восіп Любіч

Восіп Любіч
Дата нараджэння	6 снежня 1896(1896-12-06)[…]
Месца нараджэння	Гродна, Расійская імперыя
Дата смерці	27 лістапада 1990(1990-11-27) (93 гады)
Месца смерці	XIV акруга Парыжа, Францыя
Месца пахавання	могілкі Манпарнас
Грамадзянства	Расійская імперыя
Род дзейнасці	мастак
Вучоба	Адэскае мастацкае вучылішча імя М. Б. Грэкава[d]
Мастацкі кірунак	Парыжская школа[d]
Медыяфайлы на Вікісховішчы

Восіп Любіч (6 снежня 1896, Гродна — 27 лістапада 1990, Парыж) — французскі мастак, прадстаўнік Парыжскай школы.

Біяграфія

«Пейзаж з чырвоным дахам» на паштовай марцы Беларусі

Скончыў гімназію ў Гродне, паступіў у Адэскае мастацкае вучылішча. У 1920 годзе выехаў у Берлін. У 1923 Любіч атрымліваў заказ на афармленне парыжскага кабарэ на Манмартры і пасяліўся ў Парыжы, у квартале Манпарнас. Вывучаў працы Рэмбранта, Гойі і Дэга. Мастак працаваў алеем і гуашшу, займаўся гравюрай. Творы экспанаваліся ў Нацыянальным музеі Бецалель ў Іерусаліме, у Мілане, Турыне (1953) і Нью-Ёрку. Удзельнічаў у групавых і персанальных выставах, у тым ліку выставах «Рускія мастакі Парыжскай школы» ў Музеі Сен-Дэні і ў Доме французскай думкі ў Парыжы, у галерэі «Motte».

Творы Восіпа Любіча захоўваюцца ў музеях Лондана, Цюрыха, Нью-Ёрка і Тэль-Авіва. Гравюры знаходзяцца ў калекцыі Нацыянальнай бібліятэкі ў Парыжы.

14 яго твораў захоўваюцца ў карпаратыўнай калекцыі Белгазпрамбанка ў Мінску.