Восіп Мікалаевіч Вайніловіч
| Восіп Мікалаевіч Вайніловіч | |
| Дата нараджэння: | 1860 |
|---|---|
| Дата смерці: | 24 мая 1890 |
| Род дзейнасці: | рэвалюцыянер-народнік, публіцыст |
Восіп Мікалаевіч Вайніловіч (1860, Віцебск — 24.5.1890, Віцебск) — рэвалюцыянер-народнік, публіцыст. Са старажытнага шляхецкага роду герба «Габданк».
У час вучобы ў Віцебскай гімназіі быў членам Віцебскага рэвалюцыйнага гуртка. З 1882 вучыўся на медыцынскім ф-це Варшаўскага універсітэта, дзе стаў адным са стваральнікаў Варшаўскага нарадавольскага гуртка беларускіх студэнтаў. Варшаўская кватэра Вайніловіча выкарыстоўвалася нарадавольцамі для канспіратыўных сувязей з польскай партыяй «Пралетарыят»; сюды паступала пошта, друкарскае абсталяванне. У крас. 1883 за ўдзел у выступленні варшаўскіх студэнтаў выключаны з ун-та. Жыў у Віцебску пад наглядам паліцыі. Арыштаваны 8.3.1884; вызвалены ў снеж. 1884. Даваў прыватныя ўрокі. Займаўся літаратурнай творчасцю.
Літ. з даведн. Л. У. Маракова: Czerepica W. Związki rewolucjonistów Białorusi i Polski w latach 70-80 XIX wieku. Warszawa, 1985 • ЭГБ, т. 2 • АЗБ.
[правіць] Крыніца
- Маракоў Л. У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, 1794—1991. Энц. даведнік. У 10 т. Т.1. —Мн:, 2003. ISBN 985-6374-04-9
