Вузкакалейная чыгунка

З пляцоўкі Вікіпедыя.
Перайсці да: рух, знайсці
Вузкакалейны паравоз. Бельгія.

Вузкакалейная чыгунка (вузкакалейка) — чыгунка з шырынёй каляіны менш прынятай нармальнай (для Беларусі і краін былога СССР менш 1520 мм).

Рухомы склад такіх чыгунак несумяшчальны па шэрагу параметраў з чыгункамі нармальнай каляіны (г. зн. тэхнічныя праблемы не вычэрпваюцца перастановай калясак). Звычайна вузкакалейкамі прынята называць чыгункі з шырынёй каляіны 600—1200 мм; чыгункі з меншай шырынёй каляіны называюцца мікракалейкамі, а таксама декавількамі, што не заўсёды правільна. Декавілеўская каляіна — гэта шлях з шырынёй 500 мм.