Вышэйшая ліга чэмпіянату Беларусі па футболу

З пляцоўкі Вікіпедыя
Перайсці да: рух, знайсці
Вышэйшая ліга Беларусі
Вышэйшая ліга чэмпіянату Беларусі па футболу
Краіна

Сцяг Беларусі Беларусь

Федэрацыя

УЕФА

Заснаваны

1992

Кол-ць каманд

12

Узровень у сістэме ліг

1

Выбыванне ў

Першая ліга

Нацыянальныя турніры

Кубак Беларусі
Суперкубак Беларусі

Міжнародныя турніры

Ліга чэмпіёнаў
Ліга Еўропы

Дзеючае пераможца

БАТЭ

Найбольш тытулаваны

БАТЭ — 10

Сайт

www.bff.by

сезон 2014

Вышэйшая ліга чэмпіянату Беларусі па футболу — спаборніцтва паміж лепшымі прафесійнымі футбольнымі клубамі Беларусі, якое праводзіцца ў межах чэмпіянату Беларусі па футболу. Яе пераможца аб'яўляецца чэмпіёнам Беларусі па футболу.

Спаборніцтва[правіць | правіць зыходнік]

У сезоне 2013 года фармат спаборніцтваў быў зменены на двухэтапны. У першых дзвюх колах 12 камандаў гуляюць два разы кожная з кожнай, пасля чаго падзяляюцца на дзве шасцёркі (6 найлепшых і 6 найгоршых), у якіх яшчэ ў два колы разыгрываюць месцы з 1 па 6 у першай шасцёрцы і з 7 па 12 у другой. За кожную перамогу клубу налічваюцца тры пункты, за нічыю — адзін, за паражэнне — нуль. У канцы кожнага сезону некалькі клубаў з найменшай колькасцю ачкоў пераходзяць у першую лігу, а з яе такая ж колькасць клубаў пераходзіць у вышэйшую лігу. Пачынаючы з 2010г. некалькі клубаў з вышэйшай і першай ліг гуляюць у турніры за права выступаць у наступным годзе ў вышэйшай лізе. Пераможца лігі атрымлівае залатыя медалі чэмпіянату Беларусі па футболу і права прадстаўляць у наступным сезоне Беларусь у Лізе Чэмпіёнаў. Прызёры гуляюць у Лізе Еўропы. Клуб, які стаў чэмпіёнам лігі пяць разоў (не абавязкова запар), мае права змясціць выяву залатой зоркі на сваёй эмблеме.

З 2004 года для атрымання права на ўдзел у вышэйшай лізе клубы павінныя прайсці працэс ліцэнзавання ад БФФ.

Сучаснасць[правіць | правіць зыходнік]

З сезону 2010 у вышэйшай лізе выступаюць 12 камандаў, якія гуляюць у 3 кругі (кожны клуб гуляе 33 матчы). Апошні клуб выбывае ў першую лігу. Перадапошні гуляе серыю з дзвюх матчаў з другой камандаў першай лігі за права гуляць у вышэйшай лізе ў наступным сезоне.

У 2012 годзе колькасць каманд часова зменшылася да 11. Прычынай стала спынення існавання клуба ФК Партызан Мінск, які выйшаў у вышэйшую лігу, але не змог знайсці неабходнага фінансавання. У 2013 годзе іх колькасць зноў павялічылася да 12. З сезона 2015 года колькасць каманд плануецца павялічыць да 14, такім чынам каманда якая зойме апошняе месца ў сезоне 2014 года згуляе стыкавыя матчы з трэцяй камандай Першай лігі, а на прамую Вышэйшую лігу не пакіне ні водная каманда.

Удзельнікі сезону 2014 года[правіць | правіць зыходнік]

Гісторыя[правіць | правіць зыходнік]

Коль-ць каманды і гульняў ў сезоне
1992 16 каманд 15 гульняў (скар.)
1992/93 17 каманд 32 гульні
1993/95 16 каманд 30 гульняў
1995 16 каманд 15 гульняў (скар.)
1996-1997 16 каманд 30 гульняў
1998 15 каманд 28 гульняў
1999-2000 16 каманд 30 гульняў
2001-2002 14 каманд 26 гульняў
2003-2004 16 каманд 30 гульняў
2005-2007 14 каманд 26 гульняў
2008 16 каманд 30 гульняў
2009 14 каманд 26 гульняў
2010-2011 12 каманд 33 гульні
2012 11 каманд 30 гульняў
з 2013 12 каманд 32 гульні

Першы чэмпіянат Беларусі быў разыграны ў 1992 годзе. У ім удзельнічалі прадстаўнік БССР у вышэйшай лізе чэмпіянату СССР Мінскае Дынама, яшчэ пяць камандаў, якія гулялі ў іншых лігах саюзнага чэмпіяната, і дзесяць камандаў з чэмпіянату БССР. Паколькі было прынята рашэнне аб тым каб перайсці ад прынятага ў СССР футбольнага календара, калі чэмпіанат пачынаўся ўвесну, а канчаўся восенню на «еўрапейскую» сістэму восень-вясна, то першы чэмпіянат быў разыграны ў адзін круг. Розыгрыш чэмпіянату такім чынам працягваўся да сезону 1994—1995 гадоў, пасля чаго зноў перайшлі на «вясну-восень».

Колькасць камандаў, якія гулялі ў лізе вагалася паміж 14 і 16 (у сезоне 1992—1993 г.г. іх было 17), пакуль у 2010 годзе ліга не была скарочана да 12 клубаў. Тады ж пачалі і гуляць у тры кругі. У 2012 годзе каманда Партызан Мінск адмовілася ад выступлення ў Вышэйшай лізе, таму колькасць удзельнікаў таго сезону склала 11 каманд. У 2013 годзе сістэма правядзення была зноў зменена: пасля двух кругоў каманды сталі падзяляцца на дзе шасцёркі, пасля чаго гулялі яшчэ два кругі, каб вызначыць месца ў сваіх шасцёрках.

Пераможцы[правіць | правіць зыходнік]

Чэмпіёнамі Беларусі станавіліся 7 клубаў: БАТЭ Барысаў - 10 разоў, Дынама Мінск - 7, Славія Мазыр - 2, Шахцёр Салігорск, Гомель, Белшына Бабруйск і Дняпро Магілёў па 1 разу.

Сезон Пераможца Другое месца Трэцяе месца Бамбардзір
2013 БАТЭ Барысаў (10) Шахцёр Салігорск Дынама Мінск Беларусь В. Радзівонаў БАТЭ 14
2012 БАТЭ Барысаў (9) Шахцёр Салігорск Дынама Мінск Беларусь Дз. Асіпенка Шахцёр 14
2011 БАТЭ Барысаў (8) Шахцёр Салігорск Гомель Беларусь Р. Брэсан БАТЭ 13
2010 БАТЭ Барысаў (7) Шахцёр Салігорск Мінск Бразілія Р. Брэсан БАТЭ 15
2009 БАТЭ Барысаў (6) Дынама Мінск Дняпро Магілёў Бразілія М. Каліжуры Гомель 15
2008 БАТЭ Барысаў (5) Дынама Мінск МТЗ-РІПА Мінск Беларусь Г. Блізнюк БАТЭ 16
Беларусь В. Радзівонаў БАТЭ 16
2007 БАТЭ Барысаў (4) Гомель Шахцёр Салігорск Беларусь Р. Васілюк Гомель 24
2006 БАТЭ Барысаў (3) Дынама Мінск Шахцёр Салігорск Беларусь А. Кліменка Шахцёр 17
2005 Шахцёр Салігорск (1) Дынама Мінск МТЗ-РІПА Мінск Беларусь В. Стрыпейкіс Нафтан 18
2004 Дынама Мінск (7) БАТЭ Барысаў Шахцёр Салігорск Беларусь В. Стрыпейкіс Нафтан 16
2003 Гомель (1) БАТЭ Барысаў Дынама Мінск Беларусь Г. Блізнюк Гомель 18
Беларусь С. Карніленка Дынама Мінск 18
2002 БАТЭ Барысаў (2) Нёман Гродна Шахцёр Салігорск Беларусь В. Стрыпейкіс Белшына 18
2001 Белшына Бабруйск (1) Дынама Мінск БАТЭ Барысаў Расія С. Давыдаў Нёман-Белкард 25
2000 Славія Мазыр (2) БАТЭ Барысаў Дынама Мінск Беларусь Р. Васілюк Славія 31
1999 БАТЭ Барысаў (1) Славія Мазыр Гомель Беларусь В. Стрыпейкіс Славія 22
1998 Дняпро-Трансмаш Магілёў (1) БАТЭ Барысаў Белшына Бабруйск Беларусь С. Яромка Тарпеда Мінск 19
1997 Дынама Мінск (6) Белшына Бабруйск Лакаматыў-96 Віцебск Беларусь А. Хлебасолаў Белшына 19
1996 МПКЦ Мазыр (1) Дынама Мінск Белшына Бабруйск Беларусь А. Хлебасолаў Белшына 34
1995 Дынама Мінск (5) МВКЦ Мазыр Дынама-93 Мінск Беларусь С. Яромка МВКЦ 16
19941995 Дынама Мінск (4) Дзвіна Віцебск Дынама-93 Мінск Беларусь П. Шаўроў Дынама-93 19
19931994 Дынама Мінск (3) Дынама-93 Мінск КІМ Віцебск Беларусь П. Качура Дынама-93, Дынама Мінск 21
19921993 Дынама Мінск (2) КІМ Віцебск Беларусь Мінск Беларусь С. Бараноўскі Дынама Мінск 19
Беларусь М. Рамашчанка Ведрыч, Дняпро 19
1992 Дынама Мінск (1) Дняпро Магілёў Дынама Брэст Беларусь А. Скорабагацька Дняпро 11

Геаграфія чэмпіёнаў Беларусі[правіць | правіць зыходнік]

Вышэйшая ліга чэмпіянату Беларусі па футболу (Беларусь)
Геаграфія чэмпіёнаў Беларусі па футболу

Тытульныя фундатары[правіць | правіць зыходнік]

Зноскі

Спасылкі[правіць | правіць зыходнік]