Кодань

Вёска Кодань польск.: Kodeń Герб Краіна Польшча Ваяводства Люблінскае Павет Бяльскі Гміна Кодань Каардынаты 51°54′ пн. ш. 23°36′ у. д. Водныя аб’екты Заходні Буг Насельніцтва 1 900 чалавек (2006) Часавы пояс UTC+1, летам UTC+2 Паштовы індэкс 21-509 Кодань на карце Польшчы ±

Медыяфайлы на Вікісховішчы

Кодань, Кодзень (польск.: Kodeń) — колішні горад, цяпер вёска ў Бяльскім павеце Люблінскага ваяводства Польшчы, на рацэ Заходні Буг. Сядзіба гміны Кодань. Насельніцтва 1,9 тыс. чал. (2006).

Знаходзіцца каля беларуска-польскай граніцы, на аўтамабільнай дарозе Тэрэспаль — Зосін.

Гісторыя

Першыя згадкі пра Кодань адносяцца да кан. XV — пач. XVI стст., калі ён уваходзіў у склад Вялікага Княства Літоўскага і з'яўлялўся часткай уладанняў Сапегаў. У 1511 годзе атрымаў Магдэбургскае права, а ў 1513 — уласны герб «у чырвоным полі анёл у белай вопратцы з уздзетым мячом». У 1513—1520 гадах Павел Сапега збудаваў у Коданскім замку гатычную Святадухаўскую царкву. З 1566 горада горад, у Берасцейскім павеце Берасцейскага ваяводства.

У 1626—1639 гадах паводле фундацыі Мікалая Сапегі ў Кодані пабудаваны мураваны касцёл Св. Ганны. У пач. XVII ст. у горадзе збудавалі драўляную ўніяцкую царкву (захавалася брама). У 1717—1773 гадах у Кодані дзейнічала місія езуітаў. 15 жніўня 1723 года адбылася каранацыя цудатворнага абраза Маці Божай Кодзенскай.

У 1795 годзе ў выніку трэцяга падзелу Рэчы Паспалітай апынуўся ў Аўстрыі.

У XIX ст. у складзе Расійскай імперыі, мястэчка Бельскага павета.

У 1921 годзе ў міжваеннай Польскай Рэспубліцы.

Турыстычная інфармацыя

Славутасці

• Царква Святога Духа (XVI ст., цяпер касцёл Св. Духа).
• Замак Сапегаў (руіны, XVI ст.).
• Капліца могілкавая (1683—1685).
• Касцёл Св. Ганны (1629—1635).
• Могілкі яўрэйскія.
• Палац Браніцкіх (XVIII ст.).

Галерэя

• 
  Касцёл Св. Ганны
• 
  Касцёл Св. Духа (былая замкавая ўніяцкая царква)
• 
  Капліца на Коданскай Кальварыі
• 
  Палац Браніцкіх
• 
  Уніяцкая брама
• 
  Царква Св. Міхала Арханёла
• 
  Магіла паўстанцаў
• 
  Помнік савецкім салдатам

Літаратура

• Пазднякоў В. Кодань // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 126. — 792 с. — ISBN 985-11-0378-0 (т. 2), ISBN 985-11-0315-2.
• Кодзень // Цітоў А. Геральдыка беларускіх местаў (XVI — пачатак XX ст.). — Мн.: Полымя, 1998. — 287 с. — ISBN 985-07-0131-5.
• Kodeń // Słownik geograficzny Królestwa Polskiego i innych krajów słowiańskich. Tom IV: Kęs — Kutno (польск.). — Warszawa, 1883. S. 238—240

Спасылкі

• На Вікісховішчы ёсць медыяфайлы па тэме Кодань