Лунна

Вёска Лунна Краіна Беларусь Вобласць Гродзенская Раён Мастоўскі Сельсавет Лунненскі Каардынаты 53°27′ пн. ш. 24°16′ у. д. Вышыня цэнтра 115 м Насельніцтва >1 000 чалавек (2006) Часавы пояс UTC+3 Тэлефонны код +375 1515 Паштовы індэкс 231606 Аўтамабільны код 4 СААТА 4240827066 Лунна на карце Беларусі ±

Лунна на Вікісховішчы

Лу́нна — вёска, цэнтр Лунненскага сельсавета Мастоўскага раёна Гродзенскай вобласці, на поўдзень ад Нёмана. Насельніцтва складае 1165 чалавек. (1997). Знаходзіцца ў 26 км на захад ад Мастоў, размешчана на шашы Р41 і Р44.

Гісторыя

Упершыню Лунна згадваецца ў XVI ст. як вёска ў складзе Гарадзенскага павета Троцкага ваяводсства. У 1546 тут утварылася каталіцкая парафія. У 1782 годзе быў збудаваны мураваны касцёл Св. Ганны.

У выніку трэцяга падзелу Рэчы Паспалітай (1795) Лунна апынулася ў складзе у Гарадзенскага павета Расійскай імперыі. Станам на 1886 у мястэчку існавалі касцёл, сінагога, 3 яўрэйскія малітоўныя дамы, 20 крам, 3 шынкі, 2 харчэўні, праводзіліся кірмашы. У пач. XX ст. — царкоўнапрыходская школа, фельчарскі пункт, пошта.

Згодна з Рыжскага мірнага дагавора (1921) Лунна апынулася ў складзе міжваеннай Польскай Рэспублікі, дзе зрабілася цэнтрам гміны Гарадзенскага павета Беластоцкага ваяводства. Станам на 1921 тут было 307 двароў.

У 1939 Лунна ўвайшла ў БССР, дзе 12 студзеня 1940 атрымала афіцыйны статус рабочага пасёлка Скідальскага раёна. У 1955 статус паселішча панізілі да вёскі. Станам на 1972 тут было 473 двары, на 1997 — 559 двароў.

У 2006 годзе насельніцтва Лунны складала 1000 чалавек. У сярэдзіне жніўня 2009 каля школы на загаду мясцовага селсавета знішчылі больш за 20 дрэваў з рэшткаў старажытнага парку вакол колішняга палаца Ромераў. Парк заснавалі яшчэ ў XIX стагоддзі. Пад знішчэнне трапілі найбольш каштоўныя гадаваныя дрэвы.

• Лунна на старых фотаздымках
• 
  Драўляная забудова
• 
  Старая сінагога
• 
  Сінагога, інтэр'ер
• 
  Новая сінагога

Выдатныя мясціны

• Царква св. Іаана Прадцечы
• Капліца-склеп Антонія Барташэвіча
• Касцёл св. Ганны
• Сядзіба Чахоўскіх

Літаратура

• Энцыклапедыя гісторыі Беларусі. У 6 т. Т. 4: Кадэты — Ляшчэня / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1997. — 10 000 экз. — ISBN 985-11-0041-2.
• Łunna // Słownik geograficzny Królestwa Polskiego i innych krajów słowiańskich. Tom V: Kutowa Wola — Malczyce (польск.). — Warszawa, 1884. 830.

Спасылкі

• На Вікісховішчы ёсць медыяфайлы па тэме Лунна
• м. Лунна на Radzima.org