Вікунья

З Вікіпедыі, свабоднай энцыклапедыі
Вікунья
Навуковая класіфікацыя
Міжнародная навуковая назва

Vicugna vicugna Molina, 1782

Арэал
выява
      — месцы распаўсюджання вікуній
Ахоўны статус

Сістэматыка
на Віківідах

Выявы
на Вікісховішчы
ITIS  625031
NCBI  9843
EOL  38901
FW  145836

Віку́нья (Vicugna vicugna) — млекакормячае сямейства вярблюдавых.

Апісанне[правіць | правіць зыходнік]

Даўжыня цела 125—190, хваста 15—25, вышыня ў карку 70—110 см, маса 40—65 кг. Цела ўкрыта кароткай, але мяккай і тонкай поўсцю пераважна з пуховых валасоў, у дарослых жывёл рыжаватай на спіне, баках і светла-шэрай на брусе. Хутка бегае (да 47 км/гадз. на вышыні 4500 м). Корміцца нізкімі травяністымі раслінамі. Мае каштоўнае футра.

Воўна[правіць | правіць зыходнік]

Вікунья каля вулкана Чымбараса ў Эквадоры

Воўна вікуньі папулярная дзякуючы сваёй цеплыні і выкарыстоўваецца для вырабу адзення, напрыклад, шкарпэтак, світараў, аксесуараў, шаляў, паліто і касцюмаў, а таксама прадметаў для хатняга інтэр’еру, напрыклад, коўдраў і пледаў. Яго ўласцівасці абумоўлены драбнюткімі лускавінкамі на полых, напоўненых паветрам валокнах, якія прымушаюць іх змыкацца і захопліваць ізаляцыйнае паветра. Вікуньі маюць адны з самых тонкіх валокнаў у свеце дыяметрам 12 мкм[1].

Арэал і спосаб жыцця[правіць | правіць зыходнік]

Жыве невялікімі статкамі пераважна ў маладаступных высакагорных паўзасушлівых стэпах і пустынях Андаў на поўдні Перу, паўночным захадзе Аргенціны, поўначы Чылі і часткова на захадзе Балівіі.

Ахова[правіць | правіць зыходнік]

Занесена ў Чырвоную кнігу МСАП.

Зноскі

  1. Roberson, Mary-Russell (January–February 2008). "Discovering South America's Camels". Smithsonian Zoogoer. National Zoological Park, Smithsonian Institution, Washington, DC, USA: Friends of the National Zoo. Архівавана з арыгінала 21 March 2008. Праверана 16 May 2010.

Літаратура[правіць | правіць зыходнік]