Віталь Віктаравіч Радзівонаў

З пляцоўкі Вікіпедыя
Перайсці да: рух, знайсці
Футбол
Віталь Радзівонаў
Vital Radzivonaŭ 2012 BLR.jpg
Агульная інфармацыя
Поўнае імя Віталь Віктаравіч Радзівонаў
Мянушка Прафесар
Нарадзіўся 11 снежня 1983({{padleft:1983|4|0}}-{{padleft:12|2|0}}-{{padleft:11|2|0}}) (31 год)
Віцебск, БССР, СССР
Грамадзянства Сцяг Беларусі Беларусь
Рост 179 см
Вага 79 кг
Пазіцыя нападнік
Інфармацыя пра клуб
Клуб Сцяг Беларусі БАТЭ
Нумар 20
Кар'ера
Клубная кар'ера*
2001 — 2002 Сцяг Беларусі Лакаматыў-96 (Віцебск) 49 (6)
2003 — 2005 Сцяг Беларусі Тарпеда (Жодзіна) 57 (21)
2006 — Сцяг Беларусі БАТЭ 201 (86)
2009   Сцяг Германіі Фрайбург 12 (4)
Нацыянальная зборная**
2004 — 2005 Сцяг Беларусі Беларусь (да 21) 8 (2)
2007 — Сцяг Беларусі Беларусь 46 (10)

* Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана па стане на 16.12.2014.

** Колькасць гульняў і галоў за нацыянальную зборную ў афіцыйных матчах, адкарэктавана па стане на 22.05.2014.

Віта́ль Радзіво́наў (нар. 11 снежня 1983, Віцебск) — беларускі футбаліст, гуляе на пазіцыі нападніка.

Кар'ера[правіць | правіць зыходнік]

Клубная[правіць | правіць зыходнік]

У 2001—2002 гадах гуляў у віцебскім «Лакаматыве-96», які не здолеў выратаваць ад вылету ў Першую лігу. У 2003—2005 выступаў за жодзінскае «Тарпеда», у чэмпіянаце 2005 забіў за жодзінцаў 13 галоў.

З 2006 года стаў гуляць за клуб БАТЭ. Першы год атрымаўся няўдалым — усяго 4 галы, але потым Віталь замацаваўся ў аснове і стаў рэгулярна забіваць. У сезоне 2008 выдатна дзейнічала звязка Радзівонава з Генадзем Блізнюком — яны не толькі сталі лепшымі бамбардзірамі чэмпіянату, але і дапамаглі БАТЭ упершыню ў гісторыі выйсці ў групавы раўнд Лігі Чэмпіёнаў.

Пасля выдатнага сезону 2009 годзе быў аддадзены ў арэнду ў клуб другой нямецкай бундэслігі «Фрайбург». Дапамог клубу атрымаць перамогу ў турніры і месца ў вышэйшым нямецкім дывізіёне, але «Фрайбург» адмовіўся працягваць супрацоўніцтва, і Радзівонаў вярнуўся ў БАТЭ, дзе зноў стаў асноўным іграком.

Першую палову сезону 2011 прапусціў з-за траўмы. У ліпені 2011 вярнуўся ў строй, але паспеў правесці толькі тры матчы чэмпіянату (пры гэтым у кожным вызначыўся голам) — 28 жніўня 2011 у матчы супраць «Дынама» ў сутыкненні з брамнікам мінчан Дзмітрыем Гушчанкам зноў атрымаў цяжкую траўму, з-за якой выбыў да канца сезону і не прыняў удзелу ў групавым раўндзе Лігі Чэмпіёнаў 2011/2012.

У пачатку 2012 вярнуўся ў асноўны склад, хоць некаторы час толькі выхадзіў на замену ў канцы матча. Выдатна праявіў сябе ў Лізе Чэмпіёнаў 2012/2013: спачатку вырваў для БАТЭ перамогу ў матчы другога кваліфікацыйнага раўнда супарць македонскага «Вардара», забіўшы 2 галы ўжо ў кампенсаваны час (выніковы лік 3:2 на карысць БАТЭ), а ў раўндзе плэй-оф аформіў дубль у вароты ізраільскага «Хапаэля», тым самым дапамог БАТЭ ў трэці раз выйсці ў групавы этап Лігі Чэмпіёнаў. Ужо ў групавым этапе забіў галы ў вароты «Ліля» і «Баварыі», якімі дапамог атрымаць перамогі з аднолькавым лікам 3:1.

У сезоне 2013 Радзівонаў нарэшце вярнуўся на выдатныя бамбардзірскія паказчыкі ў чэмпіянаце Беларусі (да таго тры гады запар лепшым бамбардзрам клуба быў Рэнан Брэсан). У першых праведзеных дзесяці матчах нязменна адзначаўся голам або галявой перадачай (шэраг матчаў прапускаў з-за невялікай траўмы), у тым ліку забіваў у 8 сваіх матчах запар. Усё гэта дазволіла Віталю з 14 галамі зноў стаць лепшым бамбардзірам чэмпіянату, таксама ён быў прызнаны лепшым футбалістам і лепшым нападнікам чэмпіянату па версіі АБФФ.

Сезон 2014 распачаў як асноўны цэнтральны нападнік, але ў другой палове сезону, у тым ліку з-за траўм, стаў чаргавацца на гэтай пазіцыі з Мікалаем Сігневічам. Усяго за сезон забіў 11 галоў у чэмпіянаце.

Міжнародная[правіць | правіць зыходнік]

З 2007 года выступае за нацыянальную зборную Беларусі. Доўгі час разам з Сяргеем Карніленкам з'яўляецца асноўным нападнікам зборнай.

Дасягненні[правіць | правіць зыходнік]

Спасылкі[правіць | правіць зыходнік]