Віцебскі дзяржаўны ўніверсітэт імя П.М. Машэрава
| Віцебскі дзяржаўны ўніверсітэт імя П.М. Машэрава | |
| Агульная інфармацыя | |
|---|---|
| Дэвіз | Docendo discimus |
| Рэктар | А. П.Саладкоў |
| Месцазнаходжанне | |
| Краіна | Беларусь |
| Горад | Віцебск |
 |
|
| У Сеціве | http://www.vsu.by/ |
Віцебскі дзяржаўны універсітэт імя П. М. Машэрава — вышэйшая навучальная установа ў горадзе Віцебску.
Змест |
[правіць] Гісторыя
У 1910 годзе ў Віцебску быў заснаваны настаўніцкі інстытут, якія рыхтаваў настаўнікаў для сярэдняй школы. У 1918 годзе ён быў ператвораны ў педагагічны інстытут. У пачатку 1920-х гадоў некалькі разоў мяняў назву і рэарганізовываўся, а ў 1924 годзе быў аб'яднаны з Беларускім дзяржаўным універсітэтам. У 1930 годзе быў узноўлены ў выглядзе індустрыяльна-педагагічнага інстытута, з 1933 года стаў называцца Віцебскім дзяржаўным педагагічным інстытутам. У 1934 годзе інстытуту было прысвоена імя С. М. Кірава. У 1935 годзе ў яго складзе быў створаны настаўніцкі інстытут.
Падчас Вялікай Айчыннай вайны карпусы інстытута былі разбураныя, а многія выкладчыкі і студэнты загінулі на фронце ці ў партызанскім руху. Нягледзячы на гэта, заняткі ў інстытуце зноў пачаліся ўжо ў 1944 годзе. Пасля вайны праца інстытута была адноўленая да пачатку 1950-х гг. У гэты час, аднак, былі ліквідаваныя настаўніцкі інстытут і філалагічны факультэт, а гістарычны факультэт інстытута быў пераведзены ў Магілёў. У 1960—1970 гг. інстытут актыўна развіваўся, адчыняліся новыя факультэты і павялічваўся прыём студэнтаў.
У 1995 годзе ВДПІ ім. С. М. Кірава быў ператвораны ў Віцебскі дзяржаўны універсітэт, а ў 1998 годзе універсітэту было прысвоена імя свайго вядомага выпускніка П. М. Машэрава.
[правіць] Факультэты
- Факультэт беларускай філалогіі і культуры
- Біялагічны факультэт
- Гістарычны факультэт
- Матэматычны факультэт
- Педагагічны факультэт
- Факультэт сацыяльнай педагогікі і псіхалогіі
- Філалагічны факультэт
- Фізічны факультэт
- Факультэт фізічнай культуры і спорту
- Юрыдычны факультэт
- Мастацка-графічны факультэт
[правіць] Выкладчыкі
- Вольга Дзмітрыеўна Акімава, 1938-1941 гг.
- Уладзімір Аляксандравіч Голубеў, беларускі астраном
- Уладзімір Папковіч, беларускі пісьменнік, перакладчык
- Ігар Міхайлавіч Курбатаў — загадчык кафедры арганічнай і біялагічнай хіміі ў 1939—1941 гг.
- Леанід Мікалаевіч Ніканаў — загадчык кафедры батанікі (з 1941 г.)[1]
- Алена Ціхаўна Жукава
- Аляксандр Фёдаравіч Карпан
- Міхаіл Леанідавіч Цыбульскі
[правіць] Вядомыя выпускнікі
- Арцём Арашонак, беларускі пісьменнік і перакладчык
- Іван Любачка (1915—1977), беларускі гісторык
- Алег Данілавіч Кастагрыз, беларускі мастак
- Аляксей Антонавіч Марачкін, беларускі мастак
- Сяргей Васільевіч Рублеўскі, беларускі пісьменнік
- Уладзімір Канстанцінавіч Слабін, беларускі вучоны-біёлаг
- Лера Сом, беларуская паэтэса
- Алена Ярмаловіч, паэтэса
Зноскі
- ↑ Энцыклапедыя прыроды Беларусі. У 5-і т. Т.4. Недалька — Стаўраліт / Рэдкал.: І. П. Шамякін (гал. рэд.) і інш — Мінск: БелСЭ, 1985. — Т. 4. — 10 000 экз.
[правіць] Літаратура
- Витебск: Энциклопедический справочник / Гл. редактор И. П. Шамякин — Мінск: БелСЭ им. П. Бровки, 1988. — С. 278. — 408 с. — 60 000 экз. — ISBN 5-85700-004-1.(руск.)
