Вішня звычайная

З пляцоўкі Вікіпедыя
Перайсці да: рух, знайсці
Вішня звычайная
Prunus cerasus LC0017.jpg
Навуковая класіфікацыя
Міжнародная навуковая назва

Prunus cerasus L.

Сінонімы
Wikispecies-logo.svg
Сістэматыка
на Віківідах
Commons-logo.svg
Выявы
на ВікіСховішчы
ITIS   24773
NCBI   140311
EOL   242597
GRIN   t:29866
IPNI   160687-3
TPL   tro-27804187

Вішня звычайная (Prunus cerasus) — драўняная расліна, якую вырошчваюць у садах; від роду Сліва падроду Вішня сямейства Ружавыя (Rosaceae)[3].

Батанічнае апісанне[правіць | правіць зыходнік]

Prunus cerasus - Köhler–s Medizinal-Pflanzen-113.jpg
Вішня звычайная. Батанічная ілюстрацыя з кнігі «Köhler’s Medizinal-Pflanzen», 1887

Вішня звычайная — невялікае дрэва ці куст, дасягае да 5[3] м у вышыню з бліскучай карой шэра-бурага колеру[3].

Лісце скурыстае, чаргаванае, чарашковае, шырокаэліптычнае, завостранае, цёмна-зялёнае зверху, знізу святлей, дасягае ў даўжыню да 5-6 см[3].

Кветкі найчасцей белага колеру, сабраныя ў парасоніках па 2-3 кветкі. Чашалісцікаў і пялёсткаў па пяць, тычынак 15-20, песцік адзін. Кветкі распускаюцца пасля лісця[3].

Плод — кісла-салодкая, шарападобная касцянка светла- або цёмна-чырвонага, амаль чорнага колеру, да 1 см у дыяметры, пакрыта лупінай, мякаць сакавітая, мясістая, костачка ад мякаці не аддзяляецца[3].

Экалогія[правіць | правіць зыходнік]

Цвіце ў канцы сакавіка — пачатку красавіка, плоданасіць з другой паловы мая. Мае зацяжны рост восенню, позна скідае лісце. Многія яе формы адрозніваюцца вялікімі памерамі дрэў[4].

Плады вішні звычайнай[правіць | правіць зыходнік]

Неапрацаваныя плады вішні
Харчовая каштоўнасць на 100 г прадукта
Энергетычная каштоўнасць 52 ккал 217 кДж
Вада 84,4 г
Бялкі 0,8г
Тлушчы 0,2 г
Вугляводы 10,6 г

Рыбафлавін (B2) 0,03 мг
Фалацын (B9) 6 мкг
Аскарбінавая кіслата (віт. C) 15 мг

Кальцый 37 мг
Жалеза 0,5 мг
Магній 26 мг
Фосфар 30 мг
Калій 256 мг

Медзь 100 мкг 

Плады вішні звычайнай маюць кісла-салодкі смак. У пладах змяшчаюцца арганічныя кіслоты (лімонная кіслата, яблычная кіслата, хінная кіслата, бурштынавая кіслата, саліцылавая кіслата)[3].

У пладах вішні звычайнай утрымліваюцца макраэлементы (калій, кальцый, фосфар, магній), мікраэлементы (медзь, жалеза), а таксама пекцінавыя рэчывы, дубільныя рэчывы, ферменты, антацыяны, цукры (глюкоза, фруктоза), вітаміны А, С, В2, РР, Р, фалійная кіслата, кумарын[3].

Выкарыстанне[правіць | правіць зыходнік]

Вішня звычайная — вельмі пашыраная пладовая культура, якая вызначаецца скараспеласцю і штогадовым пладанашэннем. З амаль 150 відаў роду вішні ў стварэнні культурных сартоў выкарыстоўваліся галоўным чынам вішня звычайная і стэпавая (Prunus chamaecerasus).

Сустракаецца толькі ў культуры; у дзікай прыродзе не сустракаецца. Некаторыя біёлагі лічаць вішню звычайную вынікам натуральнай гібрыдызацыі вішні стэпавай (Prunus chamaecerasus) з чарэшняй (Prunus avium)[4], які паўстаў і шмат разоў паўтараўся ў месцах сумеснага вырастання матчыных відаў. Мяркуюць, што натуральнае скрыжаванне чарэшні і вішні стэпавай адбылося ў Македоніі, але, магчыма, на Паўночным Каўказе і ў Прыдняпроўі[5].

Плады вішні звычайнай ужываюцца ў свежым выглядзе. Яны прыдатныя таксама для розных відаў перапрацоўкі: атрымання сокаў, кампотаў, пладовага віна, падрыхтоўкі варэння і джэма.

Медыцынскае выкарыстанне[правіць | правіць зыходнік]

Лекавай сыравінай з'яўляюцца спелыя свежыя плады вішні і высушаны сок дрэва (клей)[3]. Вішнёвы сіроп прымяняецца ў медыцыне для выпраўлення смуку вадкіх лекавых формаў (настоек, адвараў, мікстур), звычайна складае 1/5-1/10 іх аб'ёму[3].

У народнай медыцыне вішнёвы сок выкарыстоўваюць як адхарквальны сродак пры бранхітах. Маюцца ўказанні пра заспакойваючае і супрацьсутаргавае дзеянне водных настоеў пладоў вішні[3]. Эмульсія з насення вішань і адвары з пладаножак валодаюць выразным мачагонным дзеяннем і рэкамендуюцца для лячэння мачакіслых дыятэзаў і захворванняў суставаў. Адвары з галін вішні аказваюць добрае супрацьдыярэйнае дзеянне і назначаюцца пры хранічных калітах[3].

Костачкі вішні і яе насенне пры ўжыванні ў вялікай колькасці могуць аказаць атрутнае дзеянне[3].

Галерэя[правіць | правіць зыходнік]

Frühling blühender Kirschenbaum.jpg

Агульны выгляд

Prunus cerasus.jpg

Лісце

Prunus cerasus blossom 1b.jpg

Кветкі

Owoce wisni.jpg

Плады

Зноскі

  1. Выкарыстоўваецца таксама назва Пакрытанасенныя.
  2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
  3. 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 Митюков А. Д., Налетько Н. Л., Шамрук С. Г. Вишня обыкновенная // Дикорастущие плоды, ягоды и их применение — Мн: Ураджай, 1975. — С. 37-39. — 200 с. — 130 000 экз.
  4. 4,0 4,1 Фатьянов В. И., Менафов Б. М. Вишня и слива. —М.: Россельхозиздат, 1981. 54 с.
  5. Вишня обыкновенная (руск.) 

Спасылкі[правіць | правіць зыходнік]