Гай Ліцыній Кальв

З пляцоўкі Вікіпедыя
Перайсці да: рух, знайсці

Гай Ліцыній КАЛЬВ (лац.: Gaius Licinius Macer Calvus; 82 да н.э. – перад 47 да н.э.) — рымскі паэт і аратар, блізкі сябар Катула. Сын палітыка і гісторыка Ліцынія Макра.

Паэт[правіць | правіць зыходнік]

У антычнасці Кальва цанілі як паэта і згадвалі побач з Катулам. У прыватнасці, Гарацый (Sermones I.10) кажа пра аднога з сучаснікаў, што ён толькі і ўмее, што пераймаць Катула і Кальва. Аўл Гелій (Noct. Att., XIX,9,7) згадвае пра спрэчку аб паэзіі, якая здарылася ў застоллі паміж грэкамі і рымлянамі; грэкі сцвярджалі, што з усёй рымскай паэзіі нішто не параўнаецца з вершамі Анакрэонта – хіба толькі асобныя месцы з Катула і Кальва.

Да нашага часу з паэтычнай спадчыны Кальва дайшлі толькі нешматлікія выкшталцоныя урыўкі (з палітычных эпіграмаў, з вершаў на смерць жонкі і з міфалагічнай паэмы пра Іа).

Аратар[правіць | правіць зыходнік]

Найбольшаю аратарскую ўдачаю Кальва былі, падобна, прамовы супраць Вацінія – іх удаласць згадвае Катул (Carm. 53), і яшчэ праз паўтара стагоддзі, як бачна з кампліментарнай заўвагі Тацыта (De orat.), яны лічыліся ўзорнымі

Літаратура[правіць | правіць зыходнік]

E. Malcovati. Oratorum romanorum fragmenta, 1967.