Галоўны бяскідскі маршрут
Галоўны бяскідскі маршрут імя Казімежа Сасноўскага (польск.: Główny Szlak Beskidzki imienia Kazimierza Sosnowskiego, GSB) — пешаходны горны маршрут, маркіраваны чырвоным колерам, праходзіць aд Устрані ў Сілезскіх Бяскідах да Валасатага ў Бяшчадах.
Самы доўгі маршрут у польскіх гарах, мае даўжыню прыкладна 496 км[1] і праходзіць цераз Сілезскія Бяскіды, Жывецкія Бяскіды, Горце, Бяскід Сондэцкі, Нізкія Бяскіды і Бяшчады. Праход цераз найвышэйшыя часткі польскіх Бяскідаў вядзе да гор Велькі Стожак (чэшск.: Velký Stožek), Бараня Гура, Баб’я Гура, Паліца, Турбач, Любань, Пшэгыба, Радзяёва, Яважына-Крыніцка, Ратунда, Цэргова, Хрэшчата, Смэрэк і Галіч і да такіх паселішчаў, як Устрань, Вэнгерска-Гурка, Ёрданув, Рабка-Здруй, Красценка-над-Дунайцам, Рытра, Крыніца-Здруй, Івоніч-Здруй, Рыманув-Здруй, Каманьча, Цісна, Устшыкі-Гурнэ і г. д.
Галоўны бяскідскі маршрут быў створаны ў міжваенны перыяд. Траса заходняй часткі (Устрань — Крыніца) была спраектавана Казімежам Сасноўскім і закончана ў 1929 годзе. Усходняя частка, згодна з праектам Мечыслава Арловіча, была закончана ў 1935 г. і вяла да Чарнагоры, што ў гэты час знаходзілася ў межах Польшчы. Між 1935 і 1939 маршрут насіў імя Юзафа Пілсудскага.[2].
Рэкорды[правіць | правіць зыходнік]
Цяпер самы кароткі час пераадолення ўсяго маршруту належыць Мацею Венцэку (inov-8 team PL) — 114 гадзін 50 хвілін (20—24 чэрвеня 2013 г.)[3]. Раней 7 гадоў гэты рэкорд належаў Пётру Класовічу, які ў верасні 2006 года пераадолеў маршрут за 168 гадзін[4]. Абодва бегуны перайшлі GSB з усходу на захад. Пётр Класовіч зрабіў гэта без каманды падтрымкі, тады як Мацей Венцэк з падтрымкай.
Галерэя[правіць | правіць зыходнік]
-
Вяршыня Баб’яй Гуры (1725 м, найвышэйшая вяршыня маршруту)
-
Турбач і Халя Длуга ("доўгая лука")
-
Будынак ПТТК (Польскага турыстычнага таварыства) на Турбачу (Горце)
-
Від на Кічору з хрыбта Любані
-
Хрыбет Любані (Горце), выгляд з П’енін
-
Вяршыня Радзяёвай
Гл. таксама[правіць | правіць зыходнік]
- Галоўны судэцкі маршрут імя Мечыслава Арловіча
Зноскі
- ↑ Główny Szlak Beskidzki, wyd. Compass 2011, ISBN 978-83-7605-191-8
- ↑ PTTK Dąbrowa Górnicza Архівавана 23 лютага 2015.
- ↑ http://www.magazynbieganie.pl/glowny-szlak-beskidzi-pokonany-w-114-godzin-i-50-minut
- ↑ http://napieraj.pl/index.php?option=com_multicategories&view=article&id=180
Спасылкі[правіць | правіць зыходнік]
- Дакладная траса маршруту
- Даклад з GSB (жнівень 2011) Архівавана 27 снежня 2014.
- Старонка пра GSB Архівавана 7 верасня 2019.
- Дакладны вопіс трасы маршруту
- Усе пра Галоўны бяскідскі маршрут Архівавана 28 студзеня 2018.
- Дакладная фотагалерэя з маршруту