Галуазіт

Галуазіт
Формула	Al2Si2O5(OH)4
Сінгонія	Манаклінная (планаксіяльная)
Колер	Белы, жаўтлявы, чырванаваты, зелянявы
Колер рысы	Белая
Бляск	Бляклы
Празрыстасць	прасвечвае - непразрысты
Цвёрдасць	2
Спайнасць	Няма
Шчыльнасць	2,55 - 2,65 г/см³

Галуазіт — гліністы мінерал з групы слаістых сілікатаў хімічнага складу Al₂Si₂O₅(OH)₄. Па складзе блізкі да каалініту, ад якога адрозніваецца больш высокім утрыманнем вады. Крышталізуецца ў монакліннай сістэме. Сустракаецца ў выглядзе глінападобных агрэгатаў. Афарбоўка звычайна белая, але часам жаўтлявая да бурай (ад вокіслаў жалеза), бляск матавы. Цвёрдасць па мінералагічнай шкале 1-2; шчыльнасць 2000-2200 кг/м³. Галуазіт - тыповы прадукт выветрывання алюмасілікатаў вывергнутых горных парод, асабліва палявых шпатаў. Сустракаецца часта, але буйных скопішчаў звычайна не ўтварае.

Спасылкі

• На Вікісховішчы ёсць медыяфайлы па тэме Галуазіт
• Галуазіт у базе webmineral.com (англ.)