Ганс Вёльке

З пляцоўкі Вікіпедыя
Перайсці да: рух, знайсці

Ганс Вёльке (ням.: Hans Otto Woellke; 1911 — 1943) — нямецкі лёгкаатлет (штурханне ядра) і паліцыянт. Заваяваў першы залаты алімпійскі медаль Алімпійскіх гульняў 1936 года ў Берліне[1], з-за чаго стаў героем нацысцкай прапаганды пра перавагу «арыйскай расы» і фаварытам Гітлера.

Вёльке служыў у берлінскай паліцыі. З пачаткам Другой сусветнай вайны перайшоў у т.зв. паліцыю бяспекі СС, быў капітанам 118-га ахоўнага паліцэйскага батальёна. Забіты партызанамі непадалёку ад вёскі Хатынь у Беларусі, што стала прычынай знішчэння карнікамі вёскі з усімі яе жыхарамі. Вёльке пасмяротна прысвоена званне маёра. Месцам яго пахавання лічацца знішчаныя нямецкія вайсковыя могілкі ў раёне лесапарка паміж тэрыторыяй квартала «Маяк Мінска» і ст.м. «Барысаўскі тракт» ў Мінску — заходні бок могілак, рад 22, магіла 28.

Зноскі