Гарадзішча

Кашырскае гарадзішча (Кашыра, Маскоўская вобласць).
7—4 ст. да н.э.

Гарадзі́шча — рэшткі колішняга ўмацаванага паселішча, звычайна сустракаюцца ў выглядзе валоў і рвоў. Некаторыя гарадзішчы далі назву пазнейшым паселішчам размешчаным каля іх.

Гарадзішчы ўзніклі ў перыяд распаду першабытнаабшчыннага ладу, калі грамадства пачало пераходзіць ад збіральніцтва, рыбалоўства і палявання да земляробства і жывёлагадоўлі.

У III—IV ст. саступілі месца селішчам.

Тыпы гарадзішчаў

• Мысавыя гарадзішчы. Размяшчаліся на мысах на берагах рэк, азёр і ўмацоўваліся валамі і равамі. Часцей за ўсё мелі трох- і чатырохвугольную ў плане форму.
• Узгоркавыя гарадзішчы. Размяшчаліся на ўзгорках, узвышшах.
• Балотныя гарадзішчы. Размяшчаліся сярод балот у лясістай мясцовасці, на нізкіх берагах азёр і рэк. Умацоўваліся валамі і равамі. Часцей за ўсё мелі круглую або прамавугольную форму. Выкарыстоўваліся як сховішчы на час небяспекі.

Літаратура

• Побаль Л. Д. Гарадзішча. // Беларуская ССР: Кароткая энцыклапедыя. У 5-і т. Т.1 / Рэд. кал.: П. У. Броўка і інш — Мінск: Гал. рэд. БелСЭ, 1978. — Т. 1. — 752 с. — 15 000 экз.
• Энцыклапедыя літаратуры і мастацтва Беларусі: У 5-і т., Т. 2. Габой — Карціна / Рэдкал.: І. П. Шамякін (гал. рэд.) і інш — Мінск: БелСЭ, 1985. — Т. 4. — С. 37. — 702 с. — 9500 экз.

У Сеціве

• Каля Светлагорска выяўлена гарадзішча ранняга сярэднявечча