Гарадскі пасёлак Лоеў

Гарадскі пасёлак Лоеў Сцяг Герб Набярэжная ў цэнтры мястэчка Каардынаты 51.9334, 30.851°56′00.24″ пн. ш. 30°48′00″ у. д.51.9334, 30.8    Краіна Беларусь Вобласць Гомельская Раён Лоеўскі Першае згадванне 1505 Насельніцтва (2008) 7400 чалавек Часавы пояс UTC+2 Тэлефонны код +375 2347 Паштовы індэкс 247095

Лоеў Лоеў

Лоеў на Вікісховішчы

Ло́еў — гарадскі пасёлак у Гомельскай вобласці Беларусі, цэнтр Лоеўскага раёна. Прыстань на Дняпры ў вусціе р. Сож. У 92 км ад Гомеля, 60 км ад чыгуначнай станцыі Рэчыца на лініі Гомель—Калінкавічы. Аўтадарогі на Брагін і Рэчыцу. Насельніцтва 7,4 тыс. чал. (2006).

Гісторыя

Упершыню згадваецца ў 1505 як Лоева Гара. У 14—18 ст. існаваў Лоеўскі замак, вакол якога паўстала паселішча. З канца 16 ст. мястэчка і замак — цэнтр Лоеўскага староства. У 1646 далучаны да Старадубскага павету Смаленскага ваяводства ВКЛ. 31.7.1649 каля Лоева адбылася Лоеўская бітва паміж войскамі гетмана Багдана Хмяльніцкага пад кам. Міхайлы Крычэўскага і войскамі ВКЛ пад кам. Януша Радзівіла. Падчас вайны Расіі з Рэччу Паспалітай (1654—1667) Лоеў быў спустошаны. З 1676 уласнасць розных памешчыкаў. З 1793 у Расійскай імперыі, цэнтр воласці Рэчыцкага павета Мінскай губерніі. З 1919 у складзе Мінскай вобл. БССР, затым у Гомельскай губерні РСФСР. У маі-чэрвені 1920 акупіраваны польскімі войскамі. Падчас контрнаступлення войскаў Паўднёва-Заходняга фронту адбыўся Лоеўскі прарыў кананерак Дняпроўскай ваеннай флатыліі. З 1926 у БССР, цэнтр раёна. З 1938 гарадскі пасёлак. У 1962—1966 у Рэчыцкім р-не.

Эканоміка

Прадпрыемствы харчовай і будаўнічых матэрыялаў прамысловасці. Гасцініца.

Выдатныя мясціны

• жылыя дамы (2-й пал. 19 — пач. 20 ст.)

Вядомыя асобы

• Г. С. Пінчук (1912—1944), Герой Савецкага Саюза
• А. В. Казлоў (1913—1976), Герой Савецкага Саюза
• А. П. Карпенка (1915—1974), Герой Савецкага Саюза
• А. Д. Адзенскі (1897 - 1979) - беларускі савецкі тэрапеўт, доктар медыцынскіх навук