Гара Рашмор

Нацыянальны мемарыял Гара Рашмор англ.: Mount Rushmore National Memorial
(злева направа) Скульптуры Джорджа Вашынгтона, Томаса Джэферсана, Тэадора Рузвельта і Аўраама Лінкальна, высечаныя ў гонар 150-годдзя гісторыі ЗША.
Катэгорыя МСАП — V (Ахоўваны ландшафт/акваторыя)
Размяшчэнне	ЗША, Паўднёвая Дакота
Найбліжэйшы горад	Рапід-Сіці
Плошча	5.17 км² (1,278.45 акраў)
Дата заснавання	3 сакавіка 1925
Наведвальнасць	2 757 971 (2006)
Нацыянальны мемарыял Гара Рашмор
43.878944, -103.459378

Нацыянальны мемарыял Гара Рашмор (англ.: Mount Rushmore National Memorial) знаходзіцца каля горада Кістан у Паўднёвай Дакоце, ЗША. Гара вядомая тым, што ў яе гранітнай горнай пародзе высечаны гіганцкі барэльеф вышынёй 18,6 метраў, які з'яўляецца скульптурнымі партрэтамі чатырох прэзідэнтаў ЗША: Джорджа Вашынгтона, Томаса Джэферсана, Тэадора Рузвельта і Аўраама Лінкальна.

Гісторыя

Да каланізацыі Амерыкі на мове плямёнаў лакота, якія жылі у гэтай мясцовасці, гэта гара звалася «Шэсць прабацькоў» (англ.: Six Grandfathers), але была пераназвана ў 1930 годзе ў гонар Чарльза Рашмора (англ.: Charles E. Rushmore), амерыканскага бізнесмена — арганізатара экспедыцыі, якая ўпершыню наведала гэты раён у 1885 годзе. Ён жа вылучыў на будаўніцтва скульптур прэзідэнтаў 5000 долараў — найбуйнейшае для ЗША аднаасобнае ахвяраванне на той час.

Працы па стварэнні фігур вяліся з 1927 па 1941 год пад кіраўніцтвам скульптара Гутзана Борглума (англ.: Gutzon Borglum). Галава Тэадора Рузвельта знаходзіцца глыбей астатніх прэзідэнтаў, з прычыны таго, што пры выбуху быў адколаты занадта вялікі масіў горнай пароды. Над скульптурнай кампазіцыяй працавала больш за 400 рабочых. З'яўляецца нацыянальным гістарычным помнікам ЗША.

На гэты артыкул не спасылаюцца іншыя артыкулы Вікіпедыі, калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.