Геамарфалагічнае раянаванне Беларусі

Геамарфалягі́чнае раянава́нне Белару́сі — геамарфалагічны падзел тэрыторыі Беларусі на рэгіёны.

Большасць даследчыкаў на тэрыторыі Беларусі вылучаюць 5 геамарфалагічных абласцей:

• Беларускае Паазер’е
• Беларуская града
• Усходне-Беларуская раўніна
• Перадпалеская раўніна
• Беларускае Палессе

Дадзеныя вобласці адрозніваюцца па часе ўтварэння і ступені далейшага ўздзеяння эразійна-дэнудацыйных працэсаў, маюць адрозненні ў геаструктурных адносінах і ў літалагічным складзе адкладаў.

Геамарфалагічныя вобласці падзяляюцца на раёны, якія вызначаюцца генетычнай аднароднасцю, падобнасцю формаў і памераў рэльефу, расчлянёнасцю, узростам, напрамкам і інтэнсіўнасцю сучасных геамарфалагічных працэсаў.

Літаратура

• Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз., С. 17

Гл. таксама

• Геамарфалагічнае раянаванне
• Геамарфалогія