Гексахлорэтан

Гексахлорэтан
Агульныя
Сістэматычнае найменне	гексахлорэтан
Хім. формула	C2Cl6
Фізічныя ўласцівасці
Малярная маса	236.74 г/моль
Тэрмічныя ўласцівасці
Класіфікацыя
Рэг. нумар CAS	67-72-1
PubChem	6214
Рэг. нумар EINECS	200-666-4
SMILES	C(C(Cl)(Cl)Cl)(Cl)(Cl)Cl
RTECS	KI4025000
ChemSpider	5979

Гексахлорэтан (перхларыд, гексаран, вуглярод шасціхлорысты) C₂Cl₆ — бясколерныя крышталі са слабым пахам камфары.

Уласцівасці

Малекулярная маса 236,72 (236,74) а. а. м. Тэмпература плаўлення ў запаяным капіляры 187 °С. Шчыльнасць 2091 кг/м³ пры тэмпературы 20 °С. Рэчыва сублімуецца ў адкрытых сасудах. Гексахлорэтан умерана раствараецца ў спірце і дыэтылавым эфіры, добра — у CS₂, растваральнасць у вадзе 0,005 % (22,3 °С); утварае азеатропную сумесь з вадой (т. кіп. 99 °С, 33,9 % гексахлорэтана).

Гексахлорэтан гідралізуецца цвёрдай шчолаччу пры 200 °С і вышэй, а таксама спіртавым растворам шчолачы да шчаўевай кіслаты. У газавай фазе пры 500—600 °С (або пры 350—450 °С у прысутнасці актываванага вугалю) раскладаецца з утварэннем ССl₄ і тэтрахлорэтылену. Пад дзеяннем цынку ў водным асяроддзі ператвараецца ў тэтрахлорэтылен.

Атрымліваюць гексахлорэтан хлараваннем поліхлорэтанаў або тэтрахлорэтылена. У парафазным працэсе гексахлорэтан вылучаюць дэсублімацыяй, у вадкафазным — перакрышталізацыяй са спірту або бензолу.

ГДК 10 мг/м³, у вадзе вадаёмаў санітарна-бытавога водакарыстання 0,01 мг/л.

Выкарыстанне

Гексахлорэтан выкарыстоўваецца у вытворчасці хладону-113, у піратэхнічных рэчывах, у якасці дымаўтваральніка ў сумесі з некаторымі металамі. Таксама выкарыстоўваецца ў медыцыне ў якасці процігліснага сродка.

Літаратура

• Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5). — С. 138.

Спасылкі

• Артыкул на сайце ХиМиК.ру (руск.)
• Артыкул на сайце ХиМиК.ру (руск.)
• Гексахлорэтан/ (руск.) — артыкул з Вялікай савецкай энцыклапедыі