Генадзь Барысавіч Шведзік

Генадзь Барысавіч Шведзік
Генадзь Барысавіч Шведзік
Асабістыя звесткі
Дата нараджэння	4 сакавіка 1914
Месца нараджэння	Бабруйск, Бабруйскі павет, Мінская губерня, Расійская імперыя;
Дата смерці	11 кастрычніка 1942 (28 гадоў)
Грамадзянства	Расійская імперыя; СССР;
Альма-матар	літаратурны факультэт Мінскага педагагічнага інстытута[d] (1937);
Месца працы	Юнгер арбайтэр[d]; Піянер Беларусі; Інстытут мовы і літаратуры імя Якуба Коласа і Янкі Купалы НАНБ;
Прафесійная дзейнасць
Род дзейнасці	паэт
Мова твораў	ідыш
	Медыяфайлы на Вікісховішчы

Генадзь Барысавіч Шведзік (4 сакавіка 1914, Бабруйск — 11 кастрычніка 1942) — беларускі паэт.

Біяграфія[правіць | правіць зыходнік]

Нарадзіўся ў сям’і служачых. Працаваў на новабудоўлях Бірабіджана. У 1929 годзе прыехаў у Мінск і паступіў на рабфак. Скончыў літаратурны факультэт Мінскага педагагічнага інстытута (1937). Адначасова працаваў у газеце «Юнгер арбайтэр» («Малады рабочы»), потым загадчыкам аддзела ў газеце «Піянер Беларусі». У 1938—1940 гадах выкладаў рускую мову і літаратуру ў сярэдняй школе ў Мінску, пасля — навуковы супрацоўнік Інстытута мовы і літаратуры АН БССР.

Падчас Вялікай Айчыннай вайны служыў у Чырвонай Арміі, быў кулямётчыкам. Загінуў 11 кастрычніка 1942 года пад Бранскам.

Творчасць[правіць | правіць зыходнік]

Упершыню выступіў у друку з вершамі ў 1929 годзе. Пісаў на мове ідыш. Выдаў зборнікі паэзіі «Старт» (1934), паэму для дзяцей «Наш Джым» (1935) і зборнік «Вершы» (1939). У 1962 годзе ў перакладзе на беларускую мову апублікаваны зборнік «Лірыка», у 1989 годзе — кніга вершаў і лістоў «Матчына сляза».

Зноскі

Літаратура[правіць | правіць зыходнік]

Генадзь Барысавіч Шведзік // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1995. — Т. 6. Таталаў — Яфімаў. Дадатак. — 684 с.; іл.. — ISBN 985-11-0022-6.