Герб Мальты

З пляцоўкі Вікіпедыя.
Перайсці да: рух, знайсці
Герб Мальты

Coat of arms of Malta.svg

Дэталі
Дэвіз

мальт.: REPUBBLIKA TA' MALTA

Герб Мальты у яго сучасным абліччы апісаны ў акце аб эмблемах і пячатках рэспублікі Мальты ад 1988 г. наступным чынам. Шчыт, уяўляе геральдычную выяву сцяга Мальты, над шчытом залатая сцяна-карона з васьмю вежамі (відаць толькі пяць), што сімвалізуе ўмацаванне Мальты і азначае горад-дзяржаву. Вакол шчыта дзве галіны: справа аліўкавая, злева - пальмавая, якія азначаюць мір і прыроду Мальты, перавязаныя ўнізе белай з чырвоным вываратам стужкай, на якой загалоўнымі чорнымі літарамі напісана: "Repubblika ta' Malta" (Рэспубліка Мальта па-мальтыйску.)

Герб які выкарыстоўваўся ў 1964-1975 гг.[правіць | правіць зыходнік]

COA of Malta 1964.jpg

У 1964-1975 гг. на гербе былі намаляванныя два дэльфіна, якія трымалі выяву сцяга Мальты, апраўленай з аднаго боку пальмавай, а з іншай - аліўкавай галінамі, якія азначаюць адпаведна перамогу і мір. Уверсе размяшчалася карона ў форме крэпасці з васьмю васьмікутнымі вежамі, змешчаная на шаломе з белай і чырвонай стужкамі. Унізе - сінія хвалі, якія азначаюць размяшчэнне ў Міжземным моры, васьміканцовы мальтыйскі крыж, звязаны з ордэнам Святога Джона, стужка з дэвізам "Virtute et Constantia" (доблесць і ўстойлівасць). Сёння гэты дэвіз выкарыстае ордэн Мерыта.

Герб які выкарыстоўваўся ў 1975—1988 гг[правіць | правіць зыходнік]

11 ліпеня 1975 года (год пасля таго, як Мальта стала рэспублікай) быў прыняты новы герб. Ён адлюстроўвае сцэну на берагу: узыходзячае сонца, мальтыйская лодка dghajsa на вадзе, вілы і лапата на беразе, справа расце апунцыя (від кактуса). Усе гэтыя сімвалы ў некаторай ступені звязаныя з Мальтай. Пад гэтай выявай напісана новая назва краіны — Repubblika ta' Malta (Рэспубліка Мальта).

Гэты герб можна было ўбачыць на манетах, якія былі ў звароце да 1 студзеня 2008 года, пакуль Мальта не перайшла на еўра.