Герт Вілдэрс

Герт Вілдэрс
нідэрл.: Geert Wilders
Дата нараджэння:	6 верасня 1963(1963-09-06) (48 гадоў)
Месца нараджэння:	Венло, Нідэрланды
Грамадзянства:	Нідэрланды
Партыя:	Партыя свабоды
Асноўныя ідэі:	лібертарыянізм, крытыка ісламу
Род дзейнасці:	дэпутат парламента
http://www.geertwilders.nl

Герт Вілдэрс (нідэрл.: Geert Wilders) (нар. 6 верасня 1963, Венло) — нідэрландскі палітык. З'яўляецца дэпутатам парламента Нідэрландаў з 1998 года, першапачаткова ў якасці прадстаўніка «Народнай партыі за волю і дэмакратыю», а з 2006 «Партыі Свабоды», заснавальнікам і кіраўніком якой ён стаў. Шырокую вядомасць набыў дзякуючы сваёй цьвёрдай антыісламскай рыторыцы. Напрыклад, ён заявіў аб тым, што «выгнаў бы прарока Мухамеда з краіны, калі бы ён жыў у наш час» .

Палітычная кар’ера

У верасні 2004 года Вілдэрс пакінуў шэрагі ліберальнай «Народнай партыі за волю і дэмакратыю», членм якой ён быў з 1989 года і заснаваў уласную партыю — «Партыю Свабоды». Прычынай выхаду паслужыла нязгода Вілдэрса з пазіцыяй партыі па пытанні аб пачатку перамоў з Турцыяй аб уступе ў Еўрасаюз, а таксама мноства іншых пытанняў.

Палітычныя погляды

Вілдэрс вядомы сваёй рэзкай крытыкай ісламу і прапановай забараніць іміграцыю мусульман у Галандыю. Па шматлікіх пытаннях яго погляды супадаюць з поглядамі іншага вядомага нідэрландскага палітыка Піма Фартайна. Вілдэрс зняў дакументальны кароткаметражны фільм «Фітна», які выклікаў шырокі міжнародны рэзананс.

Вонкавыя спасылкі

• На ВікіСховішчы ёсць медыяфайлы па тэме Герт Вілдэрс
• Афіцыйная старонка (гал.) 
• Афіцыйная англамоўная старонка (англ.) 
• Сайт Партыі Свабоды
• Geert Wilders’ Speech In Berlin On 2 October 2010
• Прамова Гірта Вільдэрса ў Берліне: «Спыніць таталітарызм ісламу», 08.10.2010