Горад Абенсберг

Горад Абенсберг Abensberg Герб Каардынаты 48.8, 11.8548°48′00″ пн. ш. 11°51′00″ у. д.48.8° пн. ш. 11.85° у. д.    Краіна Германія Зямля Баварыя Плошча 60,28 км² Вышыня цэнтра 370 м Насельніцтва (2006) 14 532 чалавек Часавы пояс UTC+1, улетку UTC+2 Тэлефонны код 09443 Паштовы індэкс 93326 Афіцыйны сайт http://www.abensberg.de/ (ням.)

Абенсберг Абенсберг

Абенсберг на Вікісховішчы

Абенсберг (ням. Abensberg) — горад у акрузе Кельхайм ў Ніжняй Баварыі.

Размешчаны на рацэ Абенс, адным з прытокаў Дуная, на чыгуначнай лініі Інгальштат - Рэгенсбург; са старажытным замкам (былое месцазнаходжанне графаў Абенсбергаў).

Каля горада выяўлены рэшткі паселішчаў эпохі неаліту. Некаторыя гісторыкі лічылі, што Абенсберг - старажытнарымская Abusina Castra, або Abusinum, бо ў ім захаваліся сляды рымскага лагера. Самае ранняе пісьмовае згадванне аб пасяленні адносіцца да 1138 г. Атрымаў гарадскія правы каля 1400 г., замак быў разбураны падчас Трыццацігадовай вайны.

Пры Абенсберге Напалеон I у 1809 г. разбіў левае крыло аўстрыйскай арміі эрцгерцага Карла пад камандаваннем эрцгерцага Людвіга і генерала Гілера.

Горад з'яўляецца цэнтрам вырошчвання спаржы і хмелю. Дзейнічаюць 3 прыватныя бровары.

У Абенсбергу нарадзіўся баварскі гісторык Ёган Георг Турмайр, які ўзяў сабе псеўданім Aventinus, у гонар якога ў горадзе ў 1861 г. быў узведзены помнік.

Курорт з мінеральнымі ваннамі (з 1871 г.). Лячэнне рэўматызму і падагры. Працуе Гарадскі музей.