Горад Альба, Італія

Горад Альба Alba 44.700833, 8.03527844°42′03″ пн. ш. 8°02′07″ у. д.44.700833° пн. ш. 8.035278° у. д.    Краіна Італія Правінцыя правінцыя Кунеа Плошча 54 км² Вышыня цэнтра 172 м Афіцыйная мова італьянская Насельніцтва 29 759 чалавек Шчыльнасць 551 чал./км² Этнахаронім albesi Часавы пояс UTC+1, улетку UTC+2 Тэлефонны код 00173 Паштовы індэкс 12051 Код ISTAT 04003 Афіцыйны сайт http://www.comune.alba.cn.it/ (італ.)

Альба

Альба на Вікісховішчы

Альба (іт. Alba) — галоўны горад вобласці Ланге на мяжы Лігурыі і П'емонта, уздоўж ракі Танара, у італьянскай правінцыі Кунеа. Наваколлі славяцца сваімі персікамі, белымі труфелямі і сухім віном.

Насельніцтва складае 29 759 чалавек, шчыльнасць насельніцтва складае 551 чал./км². Займае плошчу 54 км². Паштовы індэкс — 12051. Тэлефонны код — 00173. Заступнікам горада лічыцца святы Лаўрэнцій. Свята горада штогод святкуецца 10 жніўня.

Гісторыя

Заснаванне паселішча Альба-Пампея (Alba Pompeia) на дарозе з Акві-Тэрмэ ў Турын прыпісваецца консулу Пампею Страбону. У гэтым горадзе нарадзіўся адзін з рымскіх імператараў, Перцінакс. З IV стагоддзі ў Альбе меўся свой біскуп пад начальствам архібіскупа Міланскага. З XI стагоддзя — свабодная камуна Ламбардскай лігі, у пазнейшыя часы — яблык разладу паміж манферацкімі Алерамічы, міланскімі Вісконці і домам Ганзага. Па выніках вайны за мантуанскую спадчыну (1631) адышоў да Савойскага дома, пасля чаго страціў былое значэнне.

Славутасці

Помнікі даўніны — раманскі сабор св. Лаўрэнція (дабудаваны ў 1486 годзе, рэканструяваны ў XIX стагоддзі), гатычная царква св. Дамініка, сярэднявечны біскупскі палац, прысутныя месцы XIII стагоддзя, а таксама некаторыя вежы XIV—XV стст.

У саборнай царкве		Краявід горада		П'яцца Рысарджымента

Спасылкі

• Афіцыйны сайт горада (італ.)