Горад Анапа

Горад Анапа руск.: Анапа Сцяг Герб Каардынаты 44.894444, 37.31666744°53′40″ пн. ш. 37°19′00″ у. д.44.894444° пн. ш. 37.316667° у. д.    Краіна Расія Рэгіён Краснадарскі край Горад з 1846 Вышыня цэнтра 10 м Насельніцтва (2010) ▲ 57 328 чалавек Часавы пояс UTC+3 Тэлефонны код (+7) 86133 Паштовыя індэксы 353440—353458 Аўтамабільны код 23, 93, 193 Афіцыйны сайт http://www.anapa-official.ru

Анапа Анапа

Анапа на Вікісховішчы

Анапскі гарадскі пляж

Анапа (руск.: Анапа), горад (з 1846 года) у Расіі, краявога падпарадкавання ў складзе Краснадарскага края. Насельніцтва 54,8 тыс. чалавек (2007). Заснаваны ў 1781 годзе.

Горад размешчаны на Чарнаморскім узбярэжжы Каўказа, на высокім паўночна-усходнім беразе Анапскай бухты, акружанай адгор'ямі Галоўнага Каўказскага хрыбта, у 160 км на захад ад Краснадара, у 52 км на паўночны захад ад Наварасійска.

Прыморскі кліматычны і бальнеялагічны (пераважна дзіцячы) курорт усерасійскага значэння. Даўжыня пяшчаных пляжаў складае звыш 40 км (Джамятэ — самы доўгі ў Еўропе натуральны пяшчаны пляж), галечных — 10 км. Ёсць марская прыстань, чыгуначная станцыя і аэрапорт.

Клімат міжземнаморскага тыпу. Зіма мяккая, з няўстойлівым снежным покрывам. Сярэдняя тэмпература студзеня +1 °C, часам маразы дасягаюць адзнак у −20 і ніжэй (−32 °C у 2006). Лета вельмі цёплае, сонечнае, працяглае. Сярэдняя тэмпература ліпеня +23 °C. Спякоту змякчаюць марскія брызы. Ападкаў каля 400 мм у год. Анапа — самае сонечнае месца на Чарнаморскім узбярэжжы Каўказа (сярэднегадавая колькасць пахмурных дзён 48). Купальны сезон з 15 мая па 15 кастрычніка.

Прадпрыемствы харчовай прамысловасці, абслугоўваючыя курорт (хлебзавод, вінзавод і інш.). Вытворчасць будматэрыялаў і пластыкавых вырабаў. У наваколлях Анапы — вінаградарства і вінаробства.