Горад Аруша

З пляцоўкі Вікіпедыя
Перайсці да: рух, знайсці
Горад
Аруша
суахілі: і англ.: Arusha
Цэнтральная частка горада
Arusha.jpg

Каардынаты: 3°20′00″ пд. ш. 36°37′00″ у. д. / 3.333333° пд. ш. 36.616667° у. д. (G) (O) (Я)3°20′00″ пд. ш. 36°37′00″ у. д. / 3.333333° пд. ш. 36.616667° у. д. (G) (O) (Я)

Краіна
Вышыня цэнтра
1387 м
Афіцыйная мова
Насельніцтва (2005)
341 155 чалавек

Аруша (Танзанія)
Аруша
Аруша

Ару́ша (суахілі: і англ.: Arusha) — горад на поўначы Танзаніі, адміністрацыйны цэнтр аднайменнай вобласці. Насельніцтва (2005 г.) - 341 155 чал.

Геаграфія[правіць | правіць зыходнік]

Горад Аруша знаходзіцца на поўначы Танзаніі ў 89 км ад мяжы з Кеніяй (КПП Наманга), каля гары Меру, у 83 км ад гары Кіліманджара, у 84 км ад возера Маньяра, у 110 км ад возера Натрон. у 84 км ад Нацыянальнага парка Нгорангора, у 172 км ад Нацыянальнага парка Серэнгеці.

Горад размешчаны на ўзвышшы. Негледзячы на блізкасць да экватара, клімат у ім блізкі да ўмеранага. У самы спякотны перыяд (з кастрычніка да сакавіка) дзённая тэмпература рэдка перавышае 28° C, затое ўначы апускаецца да 15° C. У самыя халодныя месяцы (чэрвень і ліпень) сярэдні тэмпературны максімум складае 21° C. Найбольш вільготны месяц - красавік (200 мм ападкаў), найбольш сухі - жнівень (10 - 20 мм ападкаў).

Гісторыя[правіць | правіць зыходнік]

Горад Аруша быў заснаваны германскімі каланізатарамі ў 1900 г. як паўночны пункт іх валоданняў ва Ўсходняй Афрыцы. Тут размяшчаліся нямецкі ваенны гарнізон і крэпасць Бома. Сваю назву горад атрымаў ад племені масаяў-ларуса (мясцовы народ меру з групы банту называе іх вааруша), якія мігрыравалі ў гэтыя мясціны з поўначы.

Пасля I Сусветнай вайны мясцовыя землі трапілі ў склад валоданняў Вялікабрытаніі.

9 снежня 1961 г. у Арушы было падпісана пагадненне паміж прадстаўнікамі Вялікабрытаніі і Афрыканскім Нацыянальным Саюзам Танганьікі аб наданні незалежнасці гэтай частцы Ўсходняй Афрыкі. У 1964 г. Аруша стала часткай незалежнай дзяржавы Танзанія. У 1967 г. у Арушы была абвешчана праграма сацыялістычнага развіцця Танзаніі.

У 1967 - 1977 гг. горад Аруша з'яўляўся афіцыйным цэнтрам Усходняй Афрыканскай Супольнасці. З 1995 г. у ім праводзяцца паседжанні Міжнароднага крымінальнага трыбунала па Руандзе.

Эканоміка[правіць | правіць зыходнік]

Аруша — важны эканамічны цэнтр Танзаніі. У ім знаходзяцца прадпрыемствы харчовай і лёгкай прамысловасці, працуюць мясцовы ўніверсітэт, аэрапорт, шэраг буйных гандлёвых кампаній.

Дзякуючы блізкасці асноўных славутых мясцін Паўночнай Танзаніі, Аруша вабіць шматлікіх турыстаў, з'яўляецца значным транзітным пунктам.

Галерэя[правіць | правіць зыходнік]

Спасылкі[правіць | правіць зыходнік]