Горад Бангкок

З пляцоўкі Вікіпедыя
Перайсці да: рух, знайсці
Горад
Бангкок
กรุงเทพมหานคร อมรรัตนโกสินทร์ มหินทรายุธยามหาดิลก ภพนพรัตน์ ราชธานีบุรีรมย์ อุดมราชนิเวศน์ มหาสถาน อมรพิมาน อวตารสถิต สักกะทัตติยะ วิษณุกรรมประสิทธ (скар. กรุงเทพมหานคร)
Сцяг Герб
Сцяг
Герб
Bangkok montage 2.jpg

Каардынаты: 13°45′00″ пн. ш. 100°31′00″ у. д. / 13.75° пн. ш. 100.516667° у. д. (G) (O) (Я)13°45′00″ пн. ш. 100°31′00″ у. д. / 13.75° пн. ш. 100.516667° у. д. (G) (O) (Я)

Краіна
Рэгіён
Вышыня цэнтра
2 м
Насельніцтва (2010)
9 100 000 чалавек
Часавы пояс
Афіцыйны сайт
http://bma.go.th
(тайск.)  (англ.) 

Бангкок (Тайланд)
Бангкок
Бангкок

Бангкок (Крун Тхеп Маханакхон, літар. — «Горад анёлаў») — горад у Тайландзе, сталіца краіны. Першапачаткова — невялікі партовы і гандлёвы горад на рацэ Чаўпхрая ў складзе дзяржавы Аютыя. Бангкок становіцца сталіцай у 1768 пасля разгрому Аютыі бірманцамі. У якасці сталіцы Сіяма, які займаў пагранічнае становішча паміж брытанскай і французскай каланіяльнымі імперыямі, горад зведаў моцны знешні уплыў, адначасова атрымаўшы дадатковыя імпульсы для дынамічнага развіцця.

Сучасны Бангкок — адзін з важнейшых гарадоў Паўднёва-Усходняй Азіі. Паводле кошта жыцця ён займае другое месца ў рэгіёне пасля Сінгапура (2009).

Горад багаты культурнымі помнікамі, што ў спалучэнні з бурным начным жыццём зрабіла слова Бангкок сінонімам экзатычнасці. Імклівая мадэрнізацыя і ўрбанізацыя не кранулі яго гістарычныя палацы і будысцкія храмы, а таксама раён чырвоных ліхтароў, што ў сукупнасці прывабліваюць звыш 10 млн турыстаў штогод, — другі паказчык у свеце пасля Лондана.

Насельніцтва горада афіцыйна складае 9,1 млн чалавек, а разам з жыхарамі агламерацыі Вялікі Бангкок дасягае 12 млн. (2008).

Бангкок — адзін з самых вялікіх па плошчы гарадоў свету — разлягаецца на тэрыторыі 1,6 тыс. км². Дэльта ракі Чаўпхрая, пераходзячы ў Бангкокскі заліў, раздзяляе горад на мноства каналаў і праток, што дало падставу называць яго «Венецыяй Усходу». Горад ляжыць на вышыні ўсяго 2 м над узроўнем мора і падчас мусонаў моцна затопліваецца. Клімат Бангкока трапічны. Тэмпература — ад 20-31 °C у снежні да 26-35 °C у красавіку.

У адміністрацыйным плане горад падзяляецца на 50 раёнаў (кхетаў), падпарадкаваных Бангкокскай гарадской адміністрацыі. У той час як горад паступова пашырае свае межы, унутраным раёнам няма куды расці, акрамя як угару. У Бангкоку зарэгістравана 1000 небаскробаў, якія робяць яго 17-м па вышыні горадам у свеце.

Бангкок — галоўны эканамічны цэнтр краіны, значна пераўзыходзіць усе іншыя гарады Тайланда. Бангкоку належыць 3/4 тайландскага сектару паслуг, які налічвае 42 % ад 548-мільярднага ВУП краіны. На размешчанай у горадзе фондавай біржы Тайланда гандлююца акцыі 523 кампаній, з сукупнай капіталізацыяй 6 трлн батаў (200 млрд дол. ЗША). 13 кампаній са штаб-кватэрамі ў Бангкоку штогод уваходзяць у ліст Forbes 2000.

Турызм — істотная крыніца даходаў краіны (да 5 % ВУП) і Бангкок — асноўны пункт прызначэння і вароты ў краіну. На рынку авіяперавозак Тайланда, Лаоса і Камбоджы дамінуюць авіякампаніі, якія базіруюцца ў Бангкоку — THAI Airways International, Bangkok Airways, а таксама шматлікія бюджэтныя авіякампаніі. Больш як 90 авіякампаній свету лятаюць у міжнародны аэрапорт Дон Мыанг (18-ы ў свеце і 2-і ў Паўднёва-Усходняй Азіі па аб'ёмах перавозкі пасажыраў). З 2006 пачаў працаваць новы міжнародны аэрапорт Бангкока — Суванабхумі (6-ы ў Азіі па аб'ёмах пасажыраперавозак).

У горадзе размяшчаюцца шматлікія рэгіянальныя офісы (для Паўднёва-Усходняй Азіі, Усходняй Азіі ці Азіяцка-Ціхаакіянскага рэгіёна) такіх міжнародных арганізацый як Эканамічная і сацыяльная камісія ААН, ФАО, ІКАО, МАП, МСЭ, УВКБ, ЮНІСЭФ і МКЧК. У Бангкоку працуюць пасольствы 74 дзяржаў.

Аўдыторыя 25 бангкокскіх газет перавышае 4 млн чытачоў, у тым ліку «Thai Rath» выходзіць штодзённа тыражом 1 млн экзэмпляраў. У Бангкоку друкуюцца «Asian Wall Street Journal» і «International Herald Tribune». Добра развітае тэлевізійнае вяшчанне: шэсць дзяржаўных тэлестанцый і мноства кабельных аператараў забяспечваюць трансляцыю 100 тэлеканалаў. Таксама ў эфір выходзяць 50 FM- і 50 АМ-радыёстанцый.