Горад Брно

Горад Брно чэшск.: Brno Сцяг Герб 49.1954, 16.608449°11′43.44″ пн. ш. 16°36′30.24″ у. д.49.1954, 16.6084    Краіна Чэхія Край Паўднёвамараўскі край Плошча 230 км² Вышыня цэнтра 190–479 м Насельніцтва (2011) 404 443 чалавек Афіцыйны сайт http://www.brno.cz/ (чэшск.)  (англ.)

Брно

Брно на Вікісховішчы

Брно (чэш. Brno) — горад у Чэхіі, сталіца Паўднёвамараўскага края, знаходзіцца каля зліцця рэк Світавы і Свраткі. Вялікі эканамічны, прамысловы і культурны цэнтр. Вузел чыгунак і аўтадарог. Аэрапорт Брно-Туржаны.

Па дадзеных перапісу 2009 г. у горадзе пражывае 405 405 чал. Клімат умерана кантынентальны.

У горадзе захавалася вялікая колькасць помнікаў архітэктуры.

Гісторыя

Упершыню ўзгадваецца як замак у 1091 годзе. З канца 11 стагоддзя цэнтр удзельных княстваў Пржамысловічаў, з канца 12 стагоддзя рэзідэнцыя мараўскага маркграфа. У 1243 г. абвешчаны вольным каралеўскім горадам, значнае развіццё атрымаў у 13-15 стагоддзях. У 1526-1918 пад уладай Габсбургаў, адміністрацыйны, гаспадарчы і культурны цэнтр Маравіі. З 1918 г. у складзе Чэхаславацкай рэспублікі, з 1969 г. у Чэшскай рэспубліцы.

Архітэктура

Гістарычнае ядро горада размешчана на рачных тэрасах паміж скалістымі пагоркамі Шпільберк і Петраў. Горад 13—16 стагоддзяў (з ірэгулярнай планіроўкай, вузкімі вуліцамі, авальнымі ў плане ўмацаваннямі) перабудаваны ў 17—18 стагоддзях і асабліва ў 19—20 стагоддзях. За межамі гістарычнага цэнтра радыяльныя праспекты з пабудовамі ў духу эклектызму, стылю мадэрн і функцыяналізму. Сярод помнікаў архітэктуры замак на пагорку Шпільберк (13—18 ст.), сабор Святых Пятра і Паўла (14—19 ст.), Старая (14—16 ст.) і Новая ратушы (16—18 ст.), рэнесансавыя дамы, Дытрыхштэйнскі палац (1616—1619, барока, цяпер Мараўскі музей). Комплекс Міжнароднага прамысловага кірмашу (з 1920-х г.), Мараўскі банк (1930-31, архітэктар Б. Фукс), віла «Тугендхат» (1930—1931, архітэктар Л. Міс ван дэр Роэ) пабудаваны ў стылі функцыяналізму.

Адукацыя

• Філіял Чэшскай АН
• Акадэмія музычных мастацтваў
• Універсітэт

Культура

• Міжнародны музычны фестываль
• Тэатр оперы і балета Л.Яначака

Выбітныя ўраджэнцы і жыхары

• Арношт Голдфлам
• Мілан Кундэра
• Ян Коцера
• Іржы Кратахвіл
• Адольф Лоас

Літаратура

• Беларуская энцыклапедыя: У 18 т. Т.3: Беларусы — Варанец / Рэдкал.: Г. П. Пашкоў і інш — Мінск: БелЭн, 1996. — Т. 3. — 511 с. — 10 000 экз. — ISBN 985-11-0068-4 (Т. 3).

У Сеціве

• Афіцыйная старонка