Верашчагіна
Горад
| ||||||||||||||||||||||||||
Верашча́гіна (руск.: Верещагино) — горад (з 1952 года) у Расіі, адміністрацыйны цэнтр Верашчагінскага раёна Пермскага краю. Насельніцтва 22,7 тыс. чалавек (2005). Заснаваны ў 1898 годзе.
Размешчаны ў паўднёва-ўсходняй частцы раёна на скрыжаванні чыгуначнай магістралі Масква — Уладзівасток і аўтадарогі міжраённага значэння Сіва — Вялікая Саснова.
Склад і структура гаспадарчага комплексу Верашчагіна цесна звязаныя з функцыямі горада як буйнага транспартнага вузла, міжраённага цэнтра захаду Пермскага краю. Гэта адзін з найбольш буйных цэнтраў па вытворчасці тавараў і паслуг на душу насельніцтва. Забеспячэнне функцыянавання горада як транспартнага вузла здзяйсняе чыгуначнае дэпо, майстэрні, нафтабаза, розныя транспартныя і дарожна-будаўнічыя арганізацыі, а таксама розныя прадпрыемствы вытворчай інфраструктуры.
Частка прадпрыемстваў вырабляюць тавары народнага спажывання і занятыя перапрацоўкай сельскагаспадарчай сыравіны — трыкатажная фабрыка (працуе на прывазной сыравіне), мясакамбінат, малаказавод, камбінат хлебапрадуктаў, харчакамбінат. Шэраг прадпрыемстваў забяспечвае дзейнасць транспарту, сельскай гаспадаркі — рамзавод, ПРМЗ, электраэнергетыка і інш. У горадзе маюцца некалькі буйных прадпрыемстваў оптавага і рознічнага гандлю, прадпрыемствы, установы і арганізацыі сацыяльнага і бытавога абслугоўвання насельніцтва.