Горад Георгіеўск

Горад Георгіеўск руск.: Георгиевск Сцяг Герб 44.15, 43.46666744°09′00″ пн. ш. 43°28′00″ у. д.44.15° пн. ш. 43.466667° у. д.    Краіна Расія Рэгіён Стаўрапольскі край Горад з 1786 Насельніцтва (2010) ▼ 68 783 чалавек Часавы пояс UTC+3 Тэлефонны код 87951 Паштовы індэкс 357820 Аўтамабільны код 26

Георгіеўск Георгіеўск

Георгіеўск на Вікісховішчы

Гео́ргіеўск (руск.: Георгиевск), горад (з 1786 года) у Расіі, адміністрацыйны цэнтр Георгіеўскага раёна Стаўрапольскага края. Насельніцтва 69,5 тыс. чалавек (2005). Заснаваны ў 1777 годзе.

Горад размешчаны ў Перадкаўказзі на рацэ Падкумак (прыток Кумы), у 210 км на паўднёвы ўсход ад Стаўрапаля. Чыгуначны вузел.

Заснаваны ў верасні 1777 як крэпасць Св. Георгія на Азова-Маздокскай абарончай лініі. У 1783 годзе тут быў заключаны Георгіеўскі трактат паміж Расіяй і Грузіяй, паводле якога цар Іраклій II прызнаваў заступніцтва Расіі. З 1785 уездны горад Каўказскага намесніцтва. З 1802 цэнтр Каўказскай губерні. Пачатак XIX ст. — росквіт горада — кірмашы, адкрыліся: лячэбная ўправа, прыхадское і ўезднае вучылішчы. Але з 1822 года Георгіеўск, які стаў уездным горадам, паступова губляе сваё значэнне.

У сучасным Георгіеўску: заводы — арматурны, рамонтна-механічны, цвіковы, гарбарныя, два цагляных, асфальтавыя, спецінструментаў; фабрыкі — швейная, абутковая, футравыя; прадпрыемствы харчовай прамысловасці: маслаэкстракцыйны, кансервавы, малочны, мукамольны, вінаробны, піўзавод, мяса- і птушкакамбінаты.