Горад Есентукі

Горад Есентукі руск.: Ессентуки Сцяг Герб 44.033333, 42.8544°02′00″ пн. ш. 42°51′00″ у. д.44.033333° пн. ш. 42.85° у. д.    Краіна Расія Рэгіён Стаўрапольскі край Горад з 1917 Плошча 55 км² Вышыня цэнтра 640 м Насельніцтва (2010) ▼ 83 047 чалавек Часавы пояс UTC+3 Тэлефонны код 87934 Паштовы індэкс 357600 Аўтамабільны код 26 Афіцыйны сайт http://essentuky-today.ru/

Есентукі Есентукі

Есентукі на Вікісховішчы

Есентукі (руск.: Ессентуки), горад (з 1917 года) у Расіі, у складзе Стаўрапольскага края, уваходіць у групу Каўказскіх Мінеральных Водаў. Насельніцтва 80,9 тыс. чалавек (2005). Заснаваны ў 1825 годзе.

Горад размешчаны ў даліне ракі Падкумак (прыток Кумы) на вышыні 640 м над у.м., у 17 км ад Пяцігорска.

Клімат кантынентальны. Лета цёплае, з вялікай колькасцю гарачых і сухіх дзён. Сярэдняя тэмпература ліпеня — 20.4 °C, максімальная тэмпература даходзіць да 37 °C. Зіма нехалодная, часта бываюць адлігі, але могуць быць і маразы да −25 °C. Сярэдняя тэмпература студзеня −4.6 °C.

Есентукі лічацца буйнейшым і найбольш папулярным пітным і бальнеялагічным курортам Расіі, дзе лечаць захворванні страўнікава-кішачнага тракту, печані і абмену рэчываў. Галоўныя лячэбныя сродкі курорта — больш за 20 мінеральных крыніц. Горад валодае шырокімі курортнымі паркамі — Лячэбны (ніжні) і парк Перамогі (верхні). У парках знаходзяцца крыніцы мінеральнай вады, шматлікія лячэбныя ўстановы, размечаныя маршруты тэрэнкура.

У горадзе каля 25 санаторна-курортных устаноў. Развіта харчовая прамысловасць.