Горад Казімір

З Вікіпедыя.

КАЗІМІР — колішні горад, існаваў (1643—1655) у Бабруйскім старостве Вялікага Княства Літоўскага, Рэч Паспалітая; на тэрыторыі сучаснага Краснаўскага сельскага Савета Светлагорскага раёна Гомельскай вобласці Беларусі. Цяпер на месцы былога г. Казімір знаходзіцца вёска Каралёва Слабада–2.

Размяшчаўся на правым, высокім беразе ракі Бярэзіна, на тракце з г. Бабруйска ў Горваль (вёска і замак ля вусця Бярэзіны, у Рэчыцкім павеце).

Быў утвораны з паселішча Слабада паводле прывілея Цэцыліі Рэнаты Габсбург^[1], каралевы Рэчы Паспалітай; названы, верагодна, ў гонар сына каралевы — Жыгімонта Казіміра Вазы (1640—1647). Ужываліся таксама назвы Казіміраўская Слабада, Каралеўская Слабада. Ад часу ўтварэння меў магдэбургскае права. Разбураны падчас вайны Расіі з Рэччу Паспалітай 1654—1667. Пасля разбурэння горад не быў адноўлены, на яго месцы ўтварылася в. Каралеўская Слабада (Каралёва Слабада).

Пісьмовыя звесткі выявіў і апублікаваў доктар гістарычных навук С. Я. Рассадзін (г. Мінск) у 2001, археалагічныя раскопкі з 2006.

[правіць] Літаратура

• Каваленка А. У. Дзве экспедыцыі // Светлагорскія навіны. 2006. № 109. С. 3.
• Рассадзін С. Я., Міхальчанка А. М. Гербы и сцягі гарадоў і раёнаў Беларусі. Мн., 2005.
• Рассадин С. Е. Гербовый привилей 1643 г. на магдебургию г. Казимежу в старостве Бобруйском / Беларускі археаграфічны штогоднік. Вып 2. Мн., 2001. С. 215 — 223.

[правіць] У Сеціве

• В Гомельской области ищут город Казимир. (БелаПАН.) 2006. 9 сентября.
• Шур Т. Ученые восстановили точную историю существования древнего белорусского города Казимир. (БелТА.) 2007. 13 июля.
• Старажытнабеларускі горад Казімір праіснаваў 12 гадоў і быў зьнішчаны ў 1655 г. Polskie Radio dla Zagranicy. 2007.13.07.
• Раскопкі былога горада Казімір, 2007 г. (фотаэкспазіцыя).
• Археалагічныя раскопкі ў в. Каралева Слабада-2, 2007 г. (фотагалерэя).