Горад Ковель

Запыт «Ковель» перанакіроўваецца сюды; гл. таксама іншыя значэнні.

Горад Ко́вель укр.: Ковель Сцяг Герб 51.216667, 24.71666751°13′00″ пн. ш. 24°43′00″ у. д.51.216667° пн. ш. 24.716667° у. д.    Краіна Украіна Вобласць Валынская вобласць Глава Алег Кіндэр Першае згадванне 1310 Плошча 47,3 км² Насельніцтва (01.09.2009) 68 тыс. чалавек Часавы пояс UTC+2, улетку UTC+3 Тэлефонны код 3352 Паштовы індэкс 45000 Аўтамабільны код AC / 03 Афіцыйны сайт http://www.kovelrada.gov.ua/ (укр.)

Ко́вель

Ко́вель на Вікісховішчы

Ковель (укр.: Ковель) — горад абласнога падпарадкавання ў Валынскай вобласці Украіны, на рацэ Тур'я. Адміністрацыйны цэнтр Ковельскага раёна. Плошча 47,3 км². Насельніцтва 68 тыс. чал. (2009).

Знаходзіцца за 70 км на паўночны захад ад Луцку. Адзін з найбольшых чыгуначных вузлоў Заходняй Украіны. Праз горад праходзяць аўтамабільныя шляхі E373, E85 еўрапейскага значэння і М07, М19 дзяржаўнага значэння.

Гісторыя

• XIV ст.: першыя згадкі пра паселішча, у Вялікім Княстве Літоўскім; меў замак.
• XV ст.: уладанне Сангушак.
• 24 снежня 1518: атрымаў Магдэбургскае права.
• 1543: перайшоў да каралевы Боны.
• 1547: у Ковелі натуральную рэнту замянілі грашовай — па адным чырвонцы з кожнага будынка.
• 1556: выйшла каралеўская грамата, якая дазволіла мясцовым рамеснікам ствараць цэхі; у Ковелі праводзілася два кірмашы ў год.
• 1564: вялікі князь Жыгімонт Аўгуст перадаў Ковель у валоданне ўцекачу з Масковіі князю А. Курбскаму.
• 1565/66: у Валынскім ваяводстве.
• 1569: паводле ўмоў Люблінскай уніі перайшоў да Каралеўства Польскага.
• XVII ст.: буйны эканамічны і гандлёвы цэнтр заходняй Валыні.
• 1790: паводле інвентара, у Ковелі было больш за 400 дамоў.
• 1795: у выніку трэцяга падзелу Рэчы Паспалітай апынуўся ў складзе Расійскай імперыі, цэнтр павету Валынскай губерні.
• 1893: у Ковелі дзейнічалі 4 праваслаўныя цэрквы, касцёл, сінагога, 7 яўрэйскіх малітоўных дамоў; працавалі мужчынская і жаночая, прыватная 2-класнае жаночае вучылішчы, 2 бальніцы (адна яўрэйская), 2 аптэкі, 1 друкарня, 2 фатаграфіі.
• 1921: згодна з Рыжскім мірным дагаворам увайшоў у склад міжваеннай Польскай Рэспублікі, у Валынскім ваяводстве.
• 1939: у складзе Украінскай ССР.
• 28 чэрвеня 1941 — 7 ліпеня 1944: знаходзіўся пад нямецкай акупацыяй.

Насельніцтва

• 1863 — 3646 чал.
• 1881 — 4675 чал.
• 1893 — 15 116 чал, з іх паводле веравызнання: праваслаўных 5498, рыма-каталікоў 3088, іўдзеяў 5810, пратэстантаў 612, іншых 108; паводле саслоўя: шляхты 696, мяшчан 13 032, сялян 1266, замежных падданых 65, іншых 57.
• 1972 — 36 тыс. чал.
• 1991 — 69,7 тыс. чал.
• 2009 — 69 тыс. чал.

Эканоміка

Завод сельскагаспадарчых машын, льнозавод; дрэваапрацоўчы, будматэрыялаў, мясны камбінаты.

Славутасці

• Гістарычная забудова горада (кан. XIX — пач. XX стст.)
• Касцёл Св. Ганны (перавезены з вёскі Вішанькі, 1771)
• Сінагога (XIX ст.)
• Царква Дабравешчання Прасв. Багародзіцы (1877)
• Царква Св. Міхала (1903)
• Царква Уваскрэшання Хрыстова (1877)

Галерэя

• 

  Касцёл Св. Ганны

• 

  Царква Дабравешчання Прасв. Багародзіцы

• 

  Царква Уваскрэшання Хрыстова

• 

  Былая аптэка

Гарады-пабрацімы

Ліхтар з пазначэннем адлегласцей да партнёрскіх гарадоў

• Хелм, Польшча (1995)
• Буча, Украіна (2001)
• Вальсродэ, Германія (2003)
• Пінск, Беларусь (2003)
• Ржэў, Расія (2003)
• Легіянова, Польшча (2005)
• Уціна, Літва (2005)
• Бжэг-Дольны, Польшча (2005)
• Ленчна, Польшча (2006)
• Смела, Украіна (2006)
• Краснастаў, Польшча (2008)
• Барзінгхаўзен (2008)

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. Т. 2: Кадэцкі корпус — Яцкевіч. — Мінск: Беларуская Энцыклапедыя, 2005. — 788 с.: іл. ISBN 985-11-0378-0.
• Kowel // Słownik geograficzny Królestwa Polskiego i innych krajów słowiańskich.Tom IV: Kęs — Kutno. — Warszawa, 1883. S. 516—517
• Ковель // Горад Ковель // Энциклопедический словарь Брокгауза и Ефрона: В 86 томах (82 т. и 4 доп.) — СПб., 1890—1907.

Спасылкі

• На ВікіСховішчы ёсць медыяфайлы па тэме Горад Ковель