Горад Лагойск

Горад Лагойск Герб Палац Тышкевічаў, малюнак Н. Орды Каардынаты 54.2, 27.8554°12′00″ пн. ш. 27°51′00″ у. д.54.2, 27.85    Краіна Беларусь Вобласць Мінская Раён Лагойскі Першае згадванне 1078 Насельніцтва (2008) 10 800 чалавек Часавы пояс UTC+2 Тэлефонны код +375 1774 Паштовы індэкс 223110 Афіцыйны сайт Афіцыйны сайт(руск.) (англ.)

Лагойск Лагойск

Лагойск на Вікісховішчы

Лагойск — горад у Мінскай вобласці Беларусі, адміністрацыйны цэнтр Лагойскага раёна, на р. Гайна. У 40 км ад Мінска, 31 км ад чыгуначнай станцыі Смалявічы на лініі Мінск—Орша. Аўтадарогі на Мінск, Лепель, Смалявічы, Барысаў, Маладзечна. Насельніцтва 10,1 тыс. чал. (2006).

Гісторыя

Упершыню згадваецца ў 1078 годзе як горад Полацкай зямлі. З 12 ст. цэнтр удзельнага Лагожскага княства. З 14 ст. у складзе ВКЛ, валоданне Ягайлы, Скіргайлы, Вітаўта. Пазней належаў князям Чартарыйскім, Тышкевічам (з 1528). У 1505 разрабаваны і спалены крымскімі татарамі. Падчас Паўночнай вайны (1700—1721) заняты шведамі, якія спалілі Лагойскі замак. У 1765 на яго месцы пабудаваны манастыр базыліянінаў. З 1793 у складзе Расійскай імперыі. У 1814—1819 пабудаваны 2-павярховы палац Тышкевічаў (разбураны ў Вялікую Айчынную вайну). У 1842 браты К. і Я. Тышкевічы стварылі ў Лагойску музей старажытнасцяў, на аснове калекцыі якога ў 1855 заснаваны Віленскі музей старажытнасцей. У 1809—1860 гг. у мястэчку дзейнічала Лагойская палатняна-папяровая мануфактура. Выпускала палатно, баваўняныя і льняныя хусцінкі. У 1859 г. мела 12 станкоў і 2 машыны. У 1860 г. працавала каля 60 чалавек. Выпускала да 50 і больш тысячаў аршынаў палатна рознага колеру і ўзору. Прадукцыя збывалася ў Мінску і Рызе.

З 19 ст. мястэчка. З 1897 — цэнтр воласці Барысаўскага павета. З 1924 цэнтр раёна, гарадскі пасёлак. З 1998 — горад.

Эканоміка

Прадпрыемствы дрэваапрацоўчай, харчовай прамысловасці. Гасцініца «Алімп». Лагойск — цэнтр турызму нацыянальнага значэння.

Культура

Гісторыка-краязнаўчы музей імя К. і Я. Тышкевічаў.

Выдатныя мясціны

• парк Тышкевічаў (1-я пал. 19 ст.)
• Лагойская Мікалаеўская царква (1824)

• 

  Мікалаеўская царква

• 

  Руіны сядзібы Тышкевічаў

• 

  Парк Тышкевічаў

• 

  Памятны знак у парку

Вядомыя асобы

• К. П. Тышкевіч, беларускі археолаг, гісторык, этнограф 19 ст.
• Я. П. Тышкевіч, беларускі археолаг, гісторык, этнограф 19 ст.
• В. А. Селях-Качанскі (1885—1976), спявак, тэатральны дзеяч, педагог

Літаратура

• Логойск // Туристская энциклопедия Беларуси / редкол. Г. П. Пашков [и др.]; под общ. ред. И. И. Пирожника. — Мн.: Беларуская Энцыклапедыя, 2007. — 648 с. ISBN 978-985-11-0384-9;

У Сеціве

• logoysk.info | Лагойск on-line
• forum.logoysk.info | Форум горада Лагойска
• museum.logoysk.info | Віртуальны музей горада Лагойска
• Здымкі на Radzima.org
• Лагойск — Рэгіянальны партал
• Вандроўка ў Лагойск